Tarazda «Jambyl jyraý» kitabynyń tusaýkeser rásimi ótti
Atalǵan eńbekke jyr alybynyń baı murasy engen, dep habarlaıdy Almaty-akshamy.kz
Shaharda búgin aqyn shyǵarmashylyǵyn arqaý etken halyqaralyq konferensıa ótti. Sharaǵa Manas eliniń jyrshylary da qatysty.
Taǵylymy mol tanymdyq konferensıanyń aqynnyń kindik qany tamǵan Áýlıeta óńirinde ótýi tegin emes. Forýmǵa qatysýshylar aldymen Jambyl Jabaevtyń eskertkishine gúl shoqtaryn qoıdy.
Odan keıin Kóne-Taraz tarıhı-etnomádenı kesheninde poezıa sheberi ómirinen syr shertetin qundy jádigerlermen tanysty. Otandyq zıaly qaýym ókilderi qos dáýir kýágeri bolǵan zańǵar aqynnyń ashylmaǵan san qyry bar ekenin jarysa aıtyp jatty.