Ashyq esik kúni dástúrli túrde Qazaqstan polısıasy kúnine oraı ótkizildi, dep habarlaıdy Almaty-akshamy.kz
«İs-sharanyń maqsaty – óskeleń urpaqtyń qala polısıasy qyzmetiniń oqıǵaly tarıhyn zerdeleý, ishki ister organdarynyń qyzmetin keńinen nasıhattaý, Qazaqstan Respýblıkasy polıseıiniń oń ımıjin qalyptastyrý, óz halqyna degen maqtanysh sezimin, Otanǵa degen súıispenshilikte tárbıeleý, qoǵam ıgiligi men Otannyń gúldenýi úshin eńbek etýge umtylý. Sonymen qatar, bul naýqan ishki ister organdary qataryna qosylǵysy keletin orta mektepte oqıtyn joǵarǵy synyp oqýshylary arasynda polısıa qyzmetin nasıhattaý maqsatynda da ótkizilip otyr. Polısıa qyzmeti týraly tolyǵyraq bilgen keıbir uldar bolashaqta osy mamandyqpen tyǵyz baılanysta bolyp, tártip pen azamattardyń ál-aýqatyn kúzetýge bel býǵandyǵy qýantady. Kim biledi, olardyń arasynda bolashaǵymyzdyń qaharmandary da bar shyǵar», – dedi Almaty qalalyq polısıa departamenti bastyǵynyń orynbasary Oljas Myrzabekov.
PD-nyń ǵımaratynyń aldyna qural-jabdyqtar ornalastyryldy. Onyń kómegimen polısıa qylmyspen kúresip, qaladaǵy tártipti qamtamasyz etedi. Mýzeıde balalar beıbit ýaqytta azamattyq boryshyn óteý kezinde qaza tapqan naǵyz batyrlar týraly maǵlumat aldy.