AQSH-tyń sońǵy 30 jyldaǵy eń jaqsy jáne eń nashar prezıdenti anyqtaldy.
Rasmussen Reports amerıkalyqtar arasynda saýalnama júrgizdi, dep habarlaıdy Almaty-akshamy.kz Ulysmedia.kz-ke silteme jasap.
Áleýmettik zertteý qorytyndysy boıynsha, respondentterdiń basym bóligi eks-prezıdent Donald Trampty sońǵy 30 jyldaǵy eń jaqsy jáne eń nashar prezıdent dep esepteıtini belgili boldy.
«Prezıdentterdiń arasynda kim eń jaqsy jáne eń nashar memleket basshysy boldy?» degen suraq qoıylǵanda amerıkalyqtardyń kóbi birinshi bolyp Tramptyń esimin aýyzǵa alǵan.
Saýalnamaǵa qatysqandardyń 36 paıyzy Trampty eń jaqsy prezıdent dep tanysa, 30 paıyzy jaqsy dep Aq úıdiń burynǵy basshysy Barak Obamany jáne kishi Djordj Býshtyń esimin aıtqan.
Saýalnamaǵa qatysqandardyń 41 paıyzy Trampty AQSH-tyń eń nashar memleket basshysy bolǵan dese, daýys bergen halyqtyń 39 paıyzy qazirgi prezıdent Djozef Baıdendi ekinshi orynǵa shyǵarǵan. Úshinshi orynda – Barak Obama.