Sındzo Abege belgisiz bireý oq atqan bolatyn.
Búgin tańerteń Japonıanyń burynǵy Premer-Mınıstri Sındzo Abeni belgisiz bireý atyp ketken bolatyn. Arada birneshe saǵat ótkende eks-premer aýrýhanada kóz jumdy, dep habarlaıdy Almaty-akshamy.kz QazAqparatqa silteme jasap.
Buǵan deıin aqparat agenttigi lıberal-demokratıalyq partıanyń burynǵy basshysy aýyr jaraqat alǵanyn habarlaǵan edi.
Japonıanyń halyqaralyq NHK telearnasynyń habarlaýynsha, úgit-nasıhat naýqany aıasynda eldiń batysyndaǵy Nara prefektýrasyna kelip, halyq aldynda sóz sóılep turǵan Sındzo Abege belgisiz bireý oq atqan.
Eks-premer denesine oq tıip, sol mezette jerge qulap túsken. Oqıǵa jergilikti ýaqyt boıynsha 11:30-da bolǵan. Órt sóndirý qyzmetiniń habarlaýynsha, burynǵy Premer-Mınıstr aýrýhanaǵa jetkizilgen. Polısıanyń aqparatyna sáıkes, kúdikti oqıǵa ornynda qamaýǵa alynǵan. Ol - shamamen 40 jastaǵy er adam.