Japondyq mamandar Qazaqstannyń 4 oblysynda 13 gıdrotehnıkalyq nysandy tekserdi.
Japonıanyń Qazaqstandaǵy elshisi Djýn Iamada, Japonıanyń Halyqaralyq yntymaqtastyq agenttiginiń (JICA) sý resýrstaryn basqarý jónindegi aǵa keńesshisi Sambe Nobýo jáne joba úılestirýshisi Aııa Ito Aqtóbe oblysyna bardy, dep habarlaıdy aqshamnews.kz Cý resýrstary jáne ırrıgasıa mınıstrligine silteme jasap.
Sheteldik sarapshylar jergilikti «Qazsýshar» fılıalynyń mamandarymen kezdesip, atqarylǵan jumystar týraly esep berdi.
JICA mamandary sý tasqyny kezinde úlken kólemde sý qabyldaǵan Aqmola, Qaraǵandy, Aqtóbe jáne Batys Qazaqstan oblystaryndaǵy sý sharýashylyǵy nysandaryn zerttedi. Atap aıtqanda, Sileti, Shaǵalaly, Astana, Shoqaı, Samarqand, Yntymaq, Bitik, Dóńgelek, Aqtóbe, Qarǵaly jáne Sazdy sý qoımalary men Astananyń qorǵanys bógeti men Preobrajenskıı sý torabyna bardy.
«Japonıalyq delegasıa Aqtóbe, Qarǵaly jáne Sazdy sý qoımalarynyń gıdrotehnıkalyq qurylystaryn aralady. JICA mamandary kúrdeli zaqymdaný tappady. Tekseris nátıjesi men anyqtalǵan olqylyqtardy joıý jóninde usynystar Sý resýrstary jáne ırrıgasıa mınıstrligine berildi», - dedi Aqtóbe oblysy boıynsha «Qazsýshar» fılıalynyń dırektory Rınat Shaýenov.