Prezıdent Toqaev bul usynysty quptady.
Halyqaralyq shahmat sheberi Jansaıa Ábdimálik Prezıdent Qasym-Jomart Toqaevpen kezdesý barysynda Qazaqstandaǵy shahmatty damytýǵa baǵyttalǵan usynys aıtty, dep habarlaıdy Almaty-akshamy.kz Egemen.kz silteme jasap.
«Men elimizde shahmatty damytýǵa baǵyttalǵan birneshe usynys daıyndadym. Meniń oıymsha, osy usynystar elde shahmatty alǵa ozdyryp, qordalanǵan máselelerdi sheshýdiń negizgi joly bola alady. Qazir bizde júıeli memlekettik qoldaý joq. Men elimizde shahmat pen aqparattyq tehnologıalardy tereńdetip oqytatyn mektep-ınternat salý kerek dep esepteımin. Bul másele Almaty qalasynyń ákimimen kezdesýde de talqylandy», - dedi shahmatshy.
Onyń aıtýynsha, bundaı mektepte eldiń ár túkpirinen jınalǵan balalar oqı alady.
«Biz eń talantty balalardy iriktep alamyz. Ol jerde 1500-den astam bala oqıdy. Onyń 300-i shahmat pen İT-salany tereńdetip oqytatyn ınternattan bilim alady. Nege İT-salany qostyq degenge kelsek, túrli eksperımentter júrgizilgen. Túrli ǵylymı baıandamalar da bar. Shahmatshynyń oılaý qabileti İT-mamannyń oılaýymen birdeı. Biz 5 synyptan bastap dál osyndaı ǵylymı baǵdarlaý tásilin engizbekshimiz. Sol arqyly salany damytýǵa bolady», - dedi Jansaıa Ábdimálik.
Aıta ketsek, Memleket basshysy Qasym-Jomart Toqaev bul usynysty quptady.