Quqyqtyq qorǵaý úshin qolaıly jaǵdaılar jasaýǵa baǵyttalǵan sharalar kesheni kózdelgen.
Eýrazıalyq úkimetaralyq keńes otyrysynda EAEO-ǵa qatysýshy bes eldiń mınıstrleri Eýrazıalyq ekonomıkalyq odaqqa múshe memleketterdiń Tutynýshylardyń quqyqtaryn qorǵaý salasyndaǵy birlesken is-qımyl Baǵdarlamasyn bekitti, dep habarlaıdy Almaty-akshamy.kz.
«Qujatty ótken jyldyń kókteminde Eýrazıalyq ekonomıkalyq komısıa Alqasynyń janynan qurylǵan jáne oǵan múshe memleketterdiń múddeli memlekettik organdary men qoǵamdyq birlestikteriniń jáne komısıanyń ókilderi kirgen arnaıy jumys toby daıyndady», - delingen Saýda jáne ıntegrasıa mınıstrliginiń baspasóz qyzmetiniń habarlamasynda.
Qujatta halyqaralyq quqyq normalaryn eskere otyryp, tutynýshylardyń quqyqtaryn qorǵaý salasyndaǵy kelisilgen saıasattyń negizgi baǵyttaryn damytý men iske asyrýǵa jáne múshe memleketterdiń qoǵamdyq birlestikteri men tutynýshylar uıymdarynyń qatysýymen transshekaralyq daýlardy sheshýdi qosa alǵanda, tutynýshylardy keshendi quqyqtyq qorǵaý úshin qolaıly jaǵdaılar jasaýǵa baǵyttalǵan sharalar kesheni kózdelgen.
Baǵdarlamanyń mindetterine tutynýshylardyń habardarlyǵyn arttyrýǵa jáne utymdy jáne turaqty tutyný daǵdylaryn qalyptastyrýǵa baǵyttalǵan birlesken is-sharalar ótkizý de kiredi.