Elimizdiń árbir turǵyny «Jańa Qazaqstandy» qurýǵa atsalysa alady
Azamattardyń óz usynystaryn Qazaqstannyń «Rýhanı jańǵyrý» qoǵamdyq damý ınstıtýtynyń resmı saıtynda qaldyrýyna múmkindik jasaldy, dep habarlaıdy Almaty-akshamy.kz Qazaqtv.com-ǵa silteme jasap.
Bul týraly ınstıtýttyń basshylyǵy habarlady. Qazaqstandyqtardyń eldi qaıta qurý jónindegi kózqarastary densaýlyq saqtaý, bilim berý, ınfraqurylym, áleýmettik-ekonomıkalyq problemalar syndy keń kólemdi máselelerdi qamtýy múmkin.
«Munyń barlyǵy jalpylanǵan usynystar túrinde bolady. Salalarǵa, baǵyttarǵa jáne óńirlerge bólinedi. Usynystardy aıtý barlyq ýaqytta da bola berýi kerek. Sebebi halyqtyń muń-muqtajy, daýysy árdaıym estilýi, dittegen mejesine jetýi tıis», - deıdi «Rýhanı jańǵyrý» qazaqstandyq qoǵamdyq damý ınstıtýty» KEAQ basqarma tóraǵasynyń orynbasary Ásem Qaıdarova.
«Jańa Qazaqstandy» qurýǵa qatysty halyq arasyndaǵy usynystardy jınaý, óńdeý jáne aıtylǵan ıdeıalardy ári qaraı damytýǵa arnaıy sarapshylardan turatyn jumys toby atsalysady. Onyń quramyna saıasattanýshylar, áleýmettanýshylar, jýrnalıser, azamattyq belsendiler, ǵylymı-shyǵarmashylyq ıntellıgensıa, sondaı-aq respýblıkanyń memlekettik organdarynyń ókilderi kirdi.
«Memleket basshysy dıalog alańyn qurý, halyqpen qoǵamdyq kelisim qurý týraly tapsyrma berdi. Sonyń negizinde biz halyq arasynan, Qazaqstan halqynan, qoǵamdyq pikir kóshbasshylarynan, saıasattanýshylardan, áleýmettanýshylardan, jýrnalıserden ıdeıalar-usynystar jınaıtyn top qurdyq. Halyq únin tyńdap, keıin olardyń shyǵarǵan saraptamasyna sáıkes anyqtama daıyndalyp, ol ári qaraı Úkimetke beriledi», - deıdi «Rýhanı jańǵyrý» qazaqstandyq qoǵamdyq damý ınstıtýty» KEAQ basqarma tóraǵasynyń orynbasary Ásem Qaıdarova.