Májilov qańtardyń ortasynda jumysynan bosaǵan bolatyn.
Ulttyq qaýipsizdik komıteti Almaty departamentiniń burynǵy basshysy Nurlan Májilov tergeýge alyndy, dep habarlaıdy Almaty-akshamy.kz Sputnik.kz silteme jasap.
Májilovten basqa, UQK 5-shi departamentiniń burynǵy jetekshisi Rýslan Ysqaqovqa qatysty da tergeý júrip jatyr.
«Ulttyq qaýipsizdik organdarynyń qyzmetkerleri N.Májilov pen R.Ysqaqovqa qatysty tergeý júrip jatqanyn habarlaımyz», - delingen Bas prokýratýranyń jaýabynda. Hatqa Qylmystyq qýdalaý qyzmeti basshysynyń orynbasary B.Májrenov qol qoıǵan.
Almatyda qandy qańtar oqıǵasy bastalǵan kezde, UQK Almaty departamentin osy Májilov basqarǵan. Bas prokýratýra oqıǵa bastalǵan kezde UQK departamentiniń basshylyǵy áreketsiz otyrdy deıdi. Osylaısha, Májilov qańtardyń ortasynda jumysynan bosaǵan bolatyn.