Polısıa Almaty oblysynyń 44 jastaǵy turǵynyn ustady
Jambyldyq polıseıler jedel izdestirý is-sharalary barysynda tutanatyn qospasy bar bótelkelerdi taratyp jatqan azamatty ustady, dep habarlaıdy Almaty-akshamy.kz polisia.kz-ke silteme jasap.
«Qańtar aıynyń 5-inen 6-syna qaraǵan túni saǵat 20:00 shamasynda Taraz qalasynyń Qazybek bı kóshesinde sur tústi «Mıtsýbısı Dıamond» avtokóligi kelip toqtaıdy. Kóliktegiler onyń memlekettik tirkeý nómirin sheship alyp, júksalǵyshqa salady. Kólik júrgizýshisi bes lıtrlik tutanǵysh qospany alyp, ulymen birge ony shyny bótelkelerge quıyp, sherýge qatysýshylarǵa taratty», - dedi polısıadaǵylar.
Atalǵan derekke qatysty Qylmystyq kodekstiń 255-baby 4-bóligi (Terorızm aktisi) boıynsha sotqa deıingi tergeý amaldary bastaldy.
Jedel-izdestirý sharalaryn júrgizý kezinde polısıa qyzmetkerleri Almaty oblysynyń 44 jastaǵy turǵynyn anyqtap, ustady.
Kúdikti tergeý ızolátoryna qamaldy, tergeý amaldary júrgizilýde.