Qasym-Jomart Toqaev Almaty qalasyndaǵy jańadan ashylǵan Qaraǵaıly saıabaǵyn aralap kórdi dep habarlaıdy Almaty-akshamy.kz
Prezıdentke Almaty qalasyn kórkeıtýge baǵyttalǵan aldaǵy jumys jospary men kógaldandyrý isiniń aýqymy týraly esep berildi. Memleket basshysyna «Jasyl Almaty» baǵdarlamasy aıasynda qala boıynsha 3 jylda 1 mıllıon túp kóshet otyrǵyzý josparlanǵany jóninde baıandaldy. Bıyl 350 myń kóshet egý josparlanyp otyr. Aldaǵy ýaqytta saıabaqtyń aýmaǵyn 63 gektarǵa deıin keńeıtý kózdelip otyr.
Qasym-Jomart Toqaevqa İle Alataýy tabıǵı parki men Almaty qoryǵy aýmaǵynda saıahatshylar men álpınıserdiń qaýipsizdigi men jaıly demalysy úshin salynǵan shaǵyn úıler kórsetildi. Olar jylytý peshterimen jáne tótenshe jaǵdaıda qajetti qutqarý quraldarymen jabdyqtalǵan.
Sońynda Memleket basshysy qala turǵyndary men qonaqtardyń jaıly demalýyna, qaýipsizdigine jáne qorshaǵan ortanyń tazalaǵyna basa mán berilgen jumystardyń jalǵasa beretinine senim bildirdi.
– Men Qazaqstan boıynsha 2 mıllıard túp kóshet otyrǵyzý bastamasyn usyndym. Óıtkeni biz, shyn máninde, kógaldandyrýǵa zárýmiz. Almaty buryn jasyl qala edi. Ókinishke qaraı, qazirgi kezde bul mártebesin joǵaltyp aldy. Aıyrylyp qalǵan mártebemizdi qaıtarýymyz kerek. Aǵash egý – bıik mádenıettiliktiń belgisi, – dedi Qasym-Jomart Toqaev.