10 tomdyqqa Jambyl Jabaevtyń ótken ǵasyrdyń basynan bastap dúnıe salǵanǵa deıingi barsha óleńderi men aıtys-jyrlary jáne kórnekti aqyn-jazýshylardyń estelikteri de toptastyrylǵan.
Jambyl Jabaevtyń 175 jyldyq mereıtoıynyń aıasynda shyqqan 10 tomdyq jınaqtyń tusaýkeseri ótti, dep habarlaıdy Almaty-akshamy.kz
Sharaǵa QR Memlekettik hatshysy Qyrymbek Kósherbaev, QR Mádenıet jáne sport mınıstri Aqtoty Raıymqulova, QR Parlamentiniń Senat jáne Májilis depýtattary, qoǵam qaıratkerleri men ǵalymdar, zıalyq qaýym ókilderi qatysty.
«Biz búgin uly Jambyldyń 175 jyldyq mereıtoıy aıasynda memlekettik tapsyrys arqyly jaryqqa shyqqan 10 tomdyq jınaqtyń tusaýkeser rásimine jınalyp otyrmyz. Uly jyraýdyń sońynda qalǵan soqtaly shyǵarmalaryn ulttyń ıgiligine jaratyp, keler urpaqqa jetkizý biz úshin ulaǵatty paryz, asyl amanat. Mereıtoı jylynda aqyn shyǵarmalaryn nasıhattap, halyqqa jetkizýde respýblıka kóleminde kóptegen mádenı is-sharalar júrgizilýde. Solardyń biri - memlekettik komısıa qabyldaǵan sheshimniń aıasynda jaryq kórgen osy kóptomdyqtar der edim, - dedi Qyrymbek Kósherbaev.