Facebook áleýmettik jelisinde alaıaqtardyń áreketinen zardap shekkenderge kómek kórsetiletini týraly jarnama jarıalandy.
Qarjyny 36 saǵattyń ishinde zańdy túrde qaıtarýǵa bolady eken. Bul jalǵan zańgerlerdiń burynnan qalyptasqan sqemasy, dep eskertedi aqshamnews.kz Stopfake.kz-ke silteme jasap.
Alaıaqtar adamdardy aldaý úshin jarnamada tanymal adamdardyń sýretteri men vıdeolaryn paıdalanady.
Bul joly habarlamada «24kz» telearnasynyń «Po zakoný» baǵdarlamasynyń skrınshoty qoldanylǵan. Bul baǵdarlamada ózekti máseleler qozǵalady. Jobanyń avtory – zańger, QR Parlamenti Májilisiniń depýtaty, Eýropalyq quqyq jáne adam quqyqtary saraptamalyq ınstıtýtynyń dırektory Marat Bashımov. Alaıaqtar 2 aı buryn efırge shyqqan baǵdarlamadan skrınshot jasaǵan. Onda Marat Bashımov jeke ómirge qol suǵylmaýshylyq týraly aıtqan, baǵdarlamada alaıaqtar men qarajatty qaıtarý týraly sóz bolmaǵan.
Sondaı-aq habarlandyrýda ITS (Investment Trade Solution) bırjalyq aktıvter saýdasy boıynsha iri onlaın-servıstiń logosy paıdalanylǵan. Bul ótimdilik habynda krıptoalaıaqtar baıqalǵan eken. Shyn máninde, ITS halyqaralyq ınvestısıalyq kompanıasy jyl saıyn muqıat jáne táýelsiz tekserýlerden ótedi. Olardyń qorytyndysy boıynsha ol qarjy naryǵynyń senimdi jáne jaýapty qatysýshylarynyń biri bolyp tanyldy.
Jarnama Ir-Company kompanıasynyń atynan taralǵan. Olardyń saıtynda zardap shekkenderge usynylatyn naqty is-qımyldar joq. Tek Internetten kez kelgen adam júkteı alatyn jalpy aqparat, sýretter men sertıfıkattar ǵana bar. Mysaly, Aılın Gerhardttiń qujaty.
Zańger densaýlyq saqtaý salasynda pasıentterdiń quqyqtaryn qorǵaýmen aınalysady. Demek, onyń da alaıaqtar urlaǵan qarajatty qaıtarýǵa eshqandaı qatysy joq.
2024 jyldyń mamyr aıynda Vklader.com portaly paıdalanýshynyń suraýy boıynsha Ir-company kompanıasyn teksergen. Saıt qarjylyq alaıaqtarmen aınalysady.
«Biz birinshi ret estip turmyz. Eger alaıaqtar ıemdengen qarjyny qaıtarý týraly aıtyp jatsa, onda bul jalǵan zańgerler bolar», – delingen Vklader.com jaýabynda.
Bul jarnama alaıaqtardyń zardap shekken qazaqstandyqtardy taǵy da aldaý áreketi. Saıttarynda senimdi aqparat joq, ashyq kózderden alynǵan derekter usynylǵan kompanıalarǵa senbegen jón.