Almatylyq turǵyndarǵa shetelde «bedeldi» bilim alýǵa járdemdesemin degen alaıaq quryqtaldy.
Keıbir ata-analar balalaryn sheteldik úzdik ýnıversıtetterde oqytqysy keledi. Eń jaqsy jáne qolaıly ýnıversıtetti tańdaǵan kezde azamattar “bilim salasyndaǵy sheteldik mamandardyń” qyzmetine jıi júginedi. Degenmen mamansymaqtar azamattardyń sengishtigin paıdalana otyryp, kómektespegenimen qoımaı, sizdiń aqshańyz ben ýaqytyńyzdy ońaı tartyp ala alatynyn bilý kerek.
«Birqatar alaıaqtyq jasady degen kúdikpen biz 46 jastaǵy B. esimdi kúdiktini ustadyq. Boljam boıynsha, áıel adam azamattardyń ańqaýlyǵyn paıdalanyp, shetelde bedeldi bilim alýǵa ýáde berip, iri kólemde aqshany alyp ketken. Ol Qytaı, AQSH, Germanıa sıaqty elderde oqý ornyn izdeý jáne tańdaý boıynsha qyzmet kórsetýge jalǵan kelisim-sharttar jasap, sengish ata-analardy JOO-na 100% qabyldaıdy dep sendirdi. Qabyldaýmen qatar, áıel adam, “klıentterdi” aqysyn tólese, osy ýnıversıtetterde sesıadan ótýge kómektesetinine sendirgen. Biraq bul ýádeler sóz júzinde ǵana qalǵan. Aldanǵan azamattar İİO-ǵa kómek surap júgindi», – dedi bostandyq aýdandyq polısıa basqarmasynyń bastyǵy Maqsat Qanapáev.
Qazirgi ýaqytta kúdiktiniń jeke basy buryn jasalǵan osyǵan uqsas qylmystarǵa qatysy bar-joǵy tekserilip jatyr. Bul derekter QR QK-niń 190-babynyń 3-bóligi (Alaıaqtyq) boıynsha tirkeldi. Qylmystyq is boıynsha basqa da málimetter QR QPK-niń 201-baby jáne QR Konstıtýsıasynyń normalaryna sáıkes jarıa etýge jatpaıdy.