«Qazposhta» Qytaıdan keletin taýarlardy ýaqtyly jetkizý úshin qandaı sharýalar atqaryp jatyr. Búgingi tańda rásimdeýden ótetin kólikter sanyn táýligine QR-dan QHR-ǵa eki esege jýyq arttyrýǵa múmkindik bar.
QR Premer-Mınıstri Álıhan Smaıylovtyń tóraǵalyǵymen ótken keńeste «Qazposhta» AQ qyzmetiniń ózekti máseleleri qaraldy. Bul týraly Almaty-akshamy.kz habarlaıdy Úkimettiń baspasóz qyzmetine silteme jasap.
Kompanıa basshysy Ásel Janasova atqarylyp jatqan jumystar, aǵymdaǵy kórsetkishter men halyqqa qyzmet kórsetýdiń turaqtylyǵyn qamtamasyz etý jónindegi sharalar týraly baıandady. Sonymen qatar keńeske qatysýshylar ulttyq poshta operatoryn qoldaý jáne odan ári damytý boıynsha usynystardy qarady.
Budan basqa, Qazaqstan-Qytaı shekarasyndaǵy «Nur Joly» shekaralyq ótkizý beketi arqyly júk kólikteriniń, onyń ishinde «Qazposhta» jelisi boıynsha ótýine kedergilerdi joıý jónindegi tapsyrmalardyń oryndalý barysy talqylandy.
Premer-Mınıstrge búgingi tańda rásimdeýden ótetin kólikter sanyn táýligine QR-dan QHR-ǵa eki esege jýyq, QHR-dan QR-ǵa 40%-ǵa arttyrý múmkin bolǵany baıandaldy. Bul rette Álıhan Smaıylov qysqa merzimde odan da joǵary nátıjelerge qol jetkizý úshin ákimshilik prosesterdi jedeldetýdi talap etti.