Eńbekmıniniń aqshalaı syıaqymen saýalnama júrgizetini týraly taratylyp jatqan aqparat jalǵan, dep habarlaıdy almaty-akshamy.kz
Messendjerler men áleýmettik jelilerde taratylyp jatqan, QR Eńbek jáne halyqty áleýmettik qorǵaý mınıstrligi 50 000 teńge mólsherindegi syıaqymen saýalnama júrgizetini týraly aqparat shyndyqqa sáıkes kelmeıdi. Eńbekmıni messendjerler men áleýmettik jeliler arqyly azamattarǵa eshqandaı saýalnama júrgizbeıdi.
Azamattarǵa alaıaqtar mundaı habarlamalardy shottar men banktik shottarǵa qol jetkizý úshin paıdalanýy múmkin ekenin eskertemiz. Alaıaqtyqtyń qurbany bolmas úshin eshbir jaǵdaıda kúmándi siltemelerge ótpeýińizdi jáne onda ózińizdiń jeke derekterińizdi qaldyrmaýyńyzdy suraımyz.
Azamattardan jalǵan aqparatqa nazar aýdarmaýdy jáne aqparatty tek resmı kózderden ǵana alýdy suraımyz.
Jalǵan aqparatty taratý zań boıynsha jazalanatynyn eske salamyz.