Qazaqstandyqtarǵa jyl basynan beri múgedektik jáne asyraýshysynan aıyrylý jaǵdaıy boıynsha járdemaqy túrinde 228 mlrd teńgeden astam qarajat tólendi
2021 jylǵy qańtar-shilde aılary aralyǵynda respýblıkalyq búdjetten múgedektigi boıynsha memlekettik áleýmettik járdemaqy tóleýge 180,5 mlrd teńge, asyraýshysynan aıyrylý jaǵdaıyna memlekettik áleýmettik járdemaqy tóleýge 47,8 mlrd teńge baǵyttaldy, dep habarlaıdy almaty-akshamy.kz Qazaqstan Respýblıkasy Eńbek jáne halyqty áleýmettik qorǵaý mınıstrligine silteme jasap.
2021 jyldyń shilde aıynda respýblıkalyq búdjetten múgedektigi boıynsha memlekettik áleýmettik járdemaqy tóleýge 26,1 mlrd teńge, asyraýshysynan aıyrylý jaǵdaıy boıynsha memlekettik áleýmettik járdemaqy tóleýge 6,5 mlrd teńge jumsaldy.
2021 jylǵy 1 tamyzdaǵy jaǵdaı boıynsha, múgedektigi boıynsha memlekettik áleýmettik járdemaqy alýshylardyń sany 526,1 myń adamdy, asyraýshysynan aıyrylý jaǵdaıy boıynsha 160,9 myń adamdy quraıdy.
Múgedektik jáne asyraýshysynan aıyrylý jaǵdaıy boıynsha memlekettik áleýmettik járdemaqylardyń mólsheri múgedektiktiń tobyna jáne sebebine, qaıtys bolǵan (qaza tapqan) asyraýshynyń asyraýyndaǵy adamdar sanyna, sondaı-aq tıisti qarjy jylyna arnalǵan «Respýblıkalyq búdjet týraly» zańynda belgilenetin eń tómen kúnkóris deńgeıiniń shamasyna baılanysty bolady.
2021 jylǵy 1 tamyzdaǵy jaǵdaı boıynsha múgedektigi boıynsha memlekettik áleýmettik járdemaqynyń ortasha mólsheri 49 556 teńgeni, asyraýshydan aıyrylý jaǵdaıy boıynsha memlekettik áleýmettik járdemaqynyń ortasha mólsheri 40 606 teńgeni qurady.