Jalbyz – adam aǵzasyna óte paıdaly ósimdik.
Naqtyraq aıtqanda, as qorytý joldaryn jaqsartady, demińdi tazalaıdy, alergıanyń aldyn alady, bas aýrýyn qoıdyrady, tynys joldaryn ashady. Bir sózben aıtqanda, kez kelgen dertti emdeıtin tabıǵı antıbıotık, dep habarlaıdy Almaty-akshamy.kz Ernur.kz-ke silteme jasap.
Jupar ıisti ári erekshe dámi bar jalbyz kóptegen aýrýǵa em bola alatyn qasıetke ıe.
İshektiń jumysyn retteıdi
Jalbyzdy tutyný arqyly ishektegi artyq gazdan arylyp, isinýdi emdeısiz. Onyń quramyndaǵy zattar as qorytý júıesiniń bulshyq etterin bosańsytýǵa kómektesip, aýyrsynýdy jeńildetedi ári ishektiń tegis bulshyq etteri belsendi túrde jıyrylýyn toqtatady.
Bas aýrýyn basady
Jalbyzdyń bas aýrýyn qoıdyratyn qasıeti bar. Ósimdiktiń quramynda qan aǵymyn arttyratyn mentol bar, sonymen qatar salqyndyq sezimin beredi. Mamandar osynyń áserinen aýyrsyný basylady degendi alǵa tartady. Olardyń aıtýynsha jalbyz maıyn mańdaıǵa jaqsa, 1000 mg parasetamınofenmen birdeı áser etedi eken.
Demdi tazalaıdy
Baıqasańyz, jalbyzdy tis pastasyna, aýyz shaıatyn suıyqtyqqa, saǵyzǵa dámdeýish retinde qosady. Onyń jaǵymdy hosh ıisi aýyz qýysyndaǵy mıkrobtardyń joıylýyna yqpal etedi. Nátıjesinde demińiz tazaryp, aýyzdan jaǵymsyz ıis shyqpaıdy.
Tynys alý joldaryn jaqsartady
Jalbyzdyń bakterıaǵa, vırýsqa jáne qabynýǵa qarsy kúresetin keremet áseri bar. Sondyqtan JRVI, sýyq tıý jáne sınýsıt aýrýlary mazalaǵanda dereý jalbyz qosylǵan shaı ishińiz. Jalbyz – jalpy sýyqpen kúresetin sýperdári. Sonymen qatar, jalbyzdyń quramyndaǵy mentol muryn qýysynda aýa aǵynyn qabyldaýdy jaqsartady. Endeshe, murnyńyz bitelip nemese sý aǵyp bastasa, jalbyz qosylǵan sýmen bulaý jasańyz.
Sharshaǵandy basady
Sharshaý – sizdiń ómir súrý saltyńyzǵa keri áser etedi. Sharshaǵan adamnyń kúni boıy jumysqa qulshynysy bolmaıdy. Bul dertten qutylǵyńyz kelse, tańerteń jalbyz qosylǵan shaı ishýdi ádetke aınaldyryńyz. Bul ósimdiktiń quramyndaǵy qosylystar deneniń energetıkalyq áleýetine paıdaly áser etedi ári onyń hosh ıisi kúndizgi uıqyshyldyqty jeńedi.
Tabıǵı antıbıotık
Jalbyzdyń shaıynan bólek, maıynyń da emdik qasıeti orasan zor. Máselen, bakterıaǵa qarsy áseri bar ekendigi ǵylymı túrde anyqtalǵan. Onyń ishek taıaqshalaryna, lısterıalarǵa, salmonellalarǵa qarsy belsendi kúresedi. Sonymen qatar, pnevmonıany týdyratyn stafılokokktar men mıkrobtardyń kózin joıady.
Uıqyny qalypqa keltiredi
Uıqyǵa jatar aldynda 1 kese jalbyz shaıyn ishseńiz, tańǵa deıin tynysh uıyqtaısyz. Sebebi ósimdiktiń quramynda kofeın joq. Sonyń áserinen deneni bosańsytyp, bulshyq etti demaldyrady.
Artyq salmaqtan aryltady
Salmaqty joǵaltqysy keletin kez kelgen adam qara nemese kók shaıdyń ornyna jalbyz shaıyn ishse bolady. Ǵalymdar jalbyz shóbiniń tábetti basatyn qasıetin anyqtaǵan. Sondyqtan shaı ornyna ishetin bolsańyz, artyq tamaqtanýdy toqtatasyz.
Alergıany joıady
Jalbyzdyń hımıalyq formýlasynda alergıa belgilerin azaıtatyn rozmarın qyshqyly bar. Eger kózińiz qyshyp, murnyńyzdan sý aǵyp, alergıalyq jótel mazalasa, onda 1 shyny jalbyz qosylǵan shaı ishińiz. Sonda alergıany aıtarlyqtaı jeńesiz.
Este saqtaý qabiletin jaqsartady
Zertteýshiler jalbyzdyń hosh ıisti maıy este saqtaý qabiletin jaqsartady degen tujyrym jasaıdy. Basqa efır maıymen salystyrǵanda, bul ósimdik jumysqa jaqsy kóńil bólýge kómektesedi eken.
Kóńil-kúıińizdi kóteredi
Bul tamasha sýsyndy ystyq jáne salqyn kúıinde ishe alasyz. Emdik shaıdyń jaǵymdy dámi júıkeńizdi tynyqtyryp, kóńilińizdi kóteredi.
Jalbyz shaıynyń jasalý joly: termosqa 2 staqan qaınaǵan sý quıyńyz. Oǵan bir ýys jalbyzdy salyp, qaqpaǵyn jaýyp qoıasyz. Shamamen 5 mınýttan soń emdik shaıdy súzip alyp, kez kelgen ýaqytta shaı retinde ishe alasyz. Shaıdy meılinshe tamaqtan soń ishińiz. Sonda jep-ishken tamaǵyńyz qorytylyp, asqazan joldaryn jeńildetedi. Tańerteń ishseńiz, kúni boıy boıyńyzda qýatyńyz tasyp júredi. Al uıqyǵa jatar aldynda ishseńiz, uıqyńyz qanady.