Birlesken jobalardy iske asyrýǵa qyzyǵýshylyq tanytty.
Qazaqstannyń elshisi Satybaldy Burshaqov Izraıldiń soltústigindegi iri aýyl sharýashylyǵy komýnalarynyń biri – Magal kıbýsynda boldy, dep habarlaıdy Almaty-akshamy.kz QR SİM baspasóz qyzmetine silteme jasap.
Sapar aıasynda "Netafim" kompanıasynyń óńirlik dırektory Zohar Zıv, Kıbýs ındýstrıasy qaýymdastyǵynyń halyqaralyq saýda jónindegi dırektory Mıhal Zoran, sondaı-aq "Mapalagro", "AgroScout" jáne "Tal-Ya" agrotehnıkalyq kompanıalarynyń ókilderi S.Burshaqovty joǵary tehnologıalyq jylyjaılarmen jáne fermalarmen jumysta qoldanylatyn ozyq ırrıgasıalyq sheshimdermen tanystyrdy.
Dıplomat elimizdiń aýyl sharýashylyǵy salasyndaǵy áleýeti men birlesken ınvestısıalyq jobalardy iske asyrý múmkindikterin atap ótip, ızraıldik agrarshylardy Prezıdent Qasym-Jomart Toqaevtyń elimizdiń ınvestısıalyq tartymdylyǵyn arttyrýǵa, sondaı-aq ınvestorlardy úkimet pen óńirler tarapynan keshendi qoldaýmen qamtamasyz etýge baǵyttalǵan reformalary týraly habardar etti.
Óz kezeginde, tamshylatyp jáne mıkrosýarý naryǵynda álemdik kóshbasshy sanalatyn "Netafim" kompanıasynyń ókilderi Qazaqstanmen yntymaqtastyqty damytýǵa, jylyjaılar men sý sharýashylyǵy qurylysy salasyndaǵy birlesken jobalardy iske asyrýǵa qyzyǵýshylyq tanytty.