Kópkúndik «Djıro d’Italıa» velobáıgesiniń 15-kezeńi máresine jetti. Bul joly peloton taýly aımaqta 177 shaqyrym qashyqtyqty baǵyndyrdy, dep habarlaıdy Almaty-akshamy.kz Inform.kz-ke silteme jasap.
Atalǵan kezeńde «Trek-Segafredo» komandasynda synǵa túsetin ıtalıalyq Djýlıo Chıkkone jeńis tuǵyryna kóterildi. Ekinshi kórsetkish «Bahrain-Victorious» sapynan kolýmbıalyq Santágo Býıtrago enshisine buıyrsa, úzdik úshtikti «Movistar» sapynan Antonıo Pedrero túıindedi. Al «Astana» sapynan Fabıo Fellıne máre syzyǵyn on birinshi bolyp qıdy.
Eske salsaq, budan buryn Nur-Sultanda ótetin velojarys 28 mamyrǵa aýystyryldy.