Jyldyń eń aıtýly oqıǵasy – Dinmuhamed Qonaevty eske alýǵa arnalǵan sharlar festıvali - QONAEV INTERNATIONAL BALLOON FESTIVAL.
Dıskoteka Avarıa, Irına Qaıratovna jáne basqa mýzykanttar, búkil álemnen ushqyshtardyń 30 komandasy qatysady, dep habarlaıdy almaty-akshamy.kz.
Bıylǵy festıvál 11 jáne 12 mamyrda Almaty qalasyna jaqyn mańda ótedi. Atap aıtarlyǵy, ol jerdi ushqyshtardyń ózderi tańdady. Ol Almaty oblysy, Jambyl aýdanynyń Qasymbek aýyly.
Atalmysh festıválǵa túrli elderden ushqyshtardyń otyz komandasy shaqyrylǵan. Biz sizderdi olardyń ómiri men ushýlary kezinde oryn alǵan erekshe oqıǵalarymen https://ntkfest.kz/ saıtynda, Instagram @ntkfest jelisinde, baspasóz baıanattarynda jáne festıváldi uıymdastyrýshylardyń akkaýnttarynda tanystyramyz. Osy maýsymda áýe sharlary aspanǵa kóterilip qana qoımaı, sonymen qatar óz «jolaýshylaryna» jıppen júrýge de múmkindik beredi. Aýa raıy qubylmaly bolýy múmkin, biraq meteorologtar bul aralyqta jelsiz kúnder bolatynyna sendirip otyr.
-Biz kenelerdi ýlap, kózderin qurtamyz, ádettegideı, sanıtarlyq aımaqtardy qarastyramyz, barlyq qaýipsizdik sharalaryn qamtamasyz etemiz, - deıdi uıymdastyrýshylar.
Mýzykalyq baǵdarlamada basymdyq Irına Qaıratovna jáne Dıskoteka Avarıa toptaryna beriledi. Eń tanymal hıt ánder oryndalyp, kóńil kóterip, bı bıleıtin bolady.
Sondaı-aq festıvál kúnderi basqa da myqty oryndaýshylar án shyrqaıdy. Teatrlandyrylǵan qoıylymdar qoıylyp, qazaqtyń ulttyq oıyndary oınalatyn bolady. Sonymen qatar, túrli baıqaýlar men jarystarǵa qatysýǵa múmkindik bar.
Sharanyń ereksheligi sol, ózge alańqaıda sıqyrshy Umaı týraly ertegilerdiń jylýyn sezinip qana qoımaı, sondaı-aq ımprovızasıalanǵan qoıylymǵa da qatysa alasyz.
Balalarǵa arnalǵan oıyn-saýyqtar uıymdastyratyn jeke oıyn alańqaıy da qarastyrylǵan.
Arnaıy uıymdastyrylatyn kórmede Almaty qalasy men Almaty oblysynyń dızaınerleri men qolóner sheberleri ózderiniń buıymdarymen tanystyryp, sheberlik synybyn ótkizedi.
Álbette, meıramhana bıznesiniń jergilikti ókilderi jáne fýd-strıttiń jergilikti núkteleriniń jaǵymdy tosynsyılary men barshaǵa arnalǵan keremet asqanasy bar fýd-kord jumys isteıtin bolady.
Baǵdarlama saǵat 21.00-ge deıin belgilenip otyr. Aıtý kerek, demalý úshin festıvál aýmaǵyndaǵy platkalarǵa nemese qonaqúılerge jaıǵasýǵa bolady.
Ótken jyly festıválǵa túrli elderden 120 myńǵa jýyq adam jınaldyǵyn Almaty oblysynyń týrızm basqarmasy alǵa tartty. Atalǵan mekeme, bıyl olardyń sany arta túsedi degen úmitte.
Ómir merekesine siz de qosylyńyz! Romantıka adrenalınine bólený múmkindigi kúnde bola bermeıdi!
BAQ pen blogerler akredıtasıadan ótý úshin myna nómirge habarlassyn: Olga Zorına (+ 7 701 416 77 60)