Qaraǵandyda 273 myń teńgeniń kıimin urlaǵan kúdikti ustaldy.
Qaraǵandy qalasyndaǵy iri saýda ortalyqtarynyń birinde ornalasqan býtıkke urlyqqa túsken er adam polısıa qyzmetkerlerimen ustaldy, - dep habarlaıdy Aqshamnews.kz.
Oqıǵa barysynda belgisiz azamat jalpy quny 273 myń teńge bolatyn kıim-keshekti jasyryn túrde alyp ketken. Saýda orny ıesine eleýli materıaldyq shyǵyn keltirilgen. Qaraǵandy oblysynyń polısıa departamenti qyzmetkerleri qylmys týraly habar túsken sátten bastap jedel is-sharalar keshenin júrgizdi.
Nátıjesinde 34 jastaǵy Qaraǵandy turǵyny anyqtalyp, ustaldy. Tergeý kezinde kúdiktiniń býtıkke birneshe ret kirip, ár kelgen saıyn ózine unaǵan taýarlardy jasyryn alyp shyqqany anyqtaldy. Osylaısha ol qymbat kıimderdi kezeń-kezeńimen urlap, dúken qyzmetkerleriniń nazaryn aýdartpaǵan. Qazirgi ýaqytta atalǵan fakti boıynsha Qylmystyq kodekstiń 188-baby (Urlyq) boıynsha sotqa deıingi tergeý amaldary júrgizilýde. Urlanǵan zattar tabylyp, ıesine qaıtaryldy. Kúdikti ýaqytsha ustaý ızolátoryna qamaldy.