Jelide taralǵan aqparatqa sáıkes, sheneýnikti Ulttyq qaýipsizdik komıtetiniń jemqorlyqqa qarsy is-qımyl qyzmeti arnaıy operasıa barysynda qolǵa túsirgen, dep habarlaıdy aqshamnews.kz
Aqshabaev 28 mıllıon teńge kóleminde para aldy dep aıyptalýda.
İle aýdany ákimdiginiń resmı saıtyndaǵy basshylyq quram tiziminen Qýat Aqshabaevtyń esimi alyp tastalǵan.
Qýat Qarabaıuly Aqshabaev İle aýdany ákiminiń orynbasary qyzmetine 2025 jyldyń aqpan aıynda taǵaıyndalǵan bolatyn.
1986 jyly Almaty oblysy, Eńbekshiqazaq aýdanynda dúnıege kelgen sheneýnik mamandyǵy boıynsha – zańger. Onyń eńbek jolyna kóz júgirtsek, memlekettik qyzmettiń túrli satylarynan ótkenin baıqaýǵa bolady:
Eńbek jolyn 2007 jyly sý sharýashylyǵynda esepshi bolyp bastaǵan.
Uzaq jyldar boıy Halyqqa qyzmet kórsetý ortalyqtarynda ınspektorlyqtan bastap basshylyq qyzmetterge deıin kóterilgen.
Almaty qalasy Jetisý aýdany ákimdiginde bólim basshysy bolǵan.
2015-2018 jyldary Esik qalasy ákiminiń orynbasary;
2018-2022 jyldary Rahat aýyldyq okrýginiń ákimi;
İle aýdanyna kelmes buryn, Eńbekshiqazaq aýdany ákiminiń orynbasary qyzmetin atqarǵan.
Qazirgi ýaqytta quqyq qorǵaý organdarynan resmı aqparat kútilýde.