Úkímettíń 2026–2030 jyldarǵa arnalǵan mal sharuashylyǵyn damytudyń keshendí josparynda shalǵaıda eńbek etetín shopandar men baqtashylarǵa áleumettík kepíldíkter beru máselesíne erekshe mán berílgen, dep habarlaıdy aqshamnews.kz
Josparǵa sáıkes, mal sharuashylyǵy qyzmetkerlerí, sonyń íshínde shopandar men baqtashylar 55 jasqa tolǵannan keıín arnaıy áleumettík tólem alu qūqyǵyna ıe bolady. Būl bastama auyr árí tūraqsyz eńbek jaǵdaıynda jūmys ísteıtín azamattardy áleumettík qorǵaudy kúsheıtuge baǵyttalǵan.
Sonymen qatar, mal sharuashylyǵy mamandary úshín tūrǵyn úı salu, kadr tapshylyǵyn azaıtu jáne auylda eńbek etuge yntalandyru sharalary qarastyrylǵan.
Auyl sharuashylyǵy mınıstrlígíníń málímetínshe, mal sharuashylyǵy búgínde elímízdíń agroónerkásíp salasynyń 39 paıyzyn qūraıdy. Alaıda jyl saıynǵy ósím 2–3 paıyz deńgeıínde qalyp, salanyń áleuetí tolyq ashylmaı otyr.
Osyǵan baılanysty Úkímet mal basyn aıtarlyqtaı arttyrudy kózdep otyr. Aldaǵy bes jylda:
írí qara sany 7,9 mln-nan 12 mln basqa,
ūsaq mal 20,2 mln-nan 28 mln basqa deıín ūlǵaımaq.
Et óndírísín 1,8 mln tonnaǵa jetkízíp, eksport kólemín ekí ese arttyru josparlanǵan.
Shalǵaıdaǵy sharuashylyqtardy qoldau úshín jyldyq 6 paıyzben 50 mlrd teńge kólemínde jeńíldetílgen nesıe beríledí. Būl qarajat jaıylym ınfraqūrylymyn damytuǵa jáne mal ósírumen aınalysatyn auyl tūrǵyndaryn qoldauǵa baǵyttalady.
