Memleket basshysynyń bastamasymen ótken «Qoqyssyz taza tabıǵat» jalpyulttyq aksıasy aıasynda taýlardy tazartý boıynsha ekologıalyq senbilikke 2 myńnan astam adam qatysty. Aksıaǵa qoǵamdyq uıymdardyń ókilderi, azamattyq belsendiler men eriktiler qosyldy. Óz kezeginde almatylyq stýdentter «Eco Student KZ» respýblıkalyq jobasyn qoldady.
Senbilikke qatysýshylar úshin qaladan transferler uıymdastyrylyp, qajetti zattar men túski bokstar usynyldy. Senbilik bastalǵanǵa deıin Tótenshe jaǵdaılar departamentiniń mamandary taýly jerlerde qaýipsizdik jáne minez-qulyq erejeleri boıynsha nusqaýlyq ótkizdi.
Jappaı jınaý eń tanymal týrısik oryndardy – Kók jaılaý ústirtin, Býtakovka, Kazachka, Kımasar jáne Prohodnoe shatqaldaryn qamtydy. Senbilikke qatysýshylar barlyǵy 35 tonna qoqys jınap, Medeý aýdanynda 250 alma, sondaı-aq 500 buta otyrǵyzdy.
Ekologıalyq senbilik tutynýshylardyń tabıǵatqa degen kózqarasyna qarsy shyqqandardyń barlyǵyn biriktirýge, qorshaǵan ortany qorǵaý jáne ekologıalyq týrızmdi damytý máselelerine nazar aýdarýǵa arnalǵan.
Aǵymdaǵy jyldyń toǵyz aıynda İle Alataý ulttyq parkine 630 myńǵa jýyq adam keldi.