Ákimshilik jaza bes adamǵa qoldanylǵan.
Qalalyq TJD baspasóz qyzmeti málimetinshe, Almaty taýlarynda 180-nen astam birlesken reıd júrgizildi. Onyń barysynda demalýshylarǵa 50 myńnan astam jadynama taratyldy. Sonymen qatar erekshe qorǵalatyn aımaqtarda órt jaǵýdyń 117 faktisiniń joly kesildi, dep habarlaıdy Almaty-akshamy.kz QazAqparatqa silteme jasap.
«QR ÁQBK 505-baby boıynsha 112 adam eskertý túrinde, osy bap boıynsha qaıtalap órt qaýipsizdigin buzýǵa jol bergen 2 adam jalpy somasy 76 575 teńge aıyppul túrinde jaýapkershilikke tartyldy. Budan bólek, QR ÁQBK 367-baby boıynsha jalpy somasy 459 450 teńge aıyppul túrinde – 3 adam ákimshilik jazaǵa tartyldy»,- dep habarlady vedomstvodan.
Qalalyq TJD mamandary taýly jerde shylym shegip, ot jaqpaýǵa keńes beredi.
Aıta keteıik, İle Alataý ulttyq parkinde ystyq tamaq daıyndaý úshin arnaıy jabdyqtalǵan 14 oryn, Alma-arasan shatqalynyń aýmaǵynda -12 oryn, «Býtakovkada» 2 oryn bar.