«Quqyqtyq tártip» jedel aldyn alý is-sharasy jalǵasýda
İİM polısıa qyzmetkerleriniń áreketterine azamattardyń shaǵymdary úshin call-ortalyqtardyń nómirlerin jarıalady, dep habarlaıdy Almaty-akshamy.kz Polisia.kz-ke silteme jasap.
İshki ister mınıstri Erlan Turǵymbaev Ózindik qaýipsizdik departamentine azamattardan polısıa qyzmetkerleriniń áreketterine qatysty kelip túsken shaǵymdardy muqıat tekserýdi tapsyrdy.
Qazirgi ýaqytta ishki organdar bólimsheleri kúsheıtilgen rejımde qyzmet atqarýda.
«Quqyqtyq tártip» jedel aldyn alý is-sharasy jalǵasýda, azamattar kóp jınalatyn oryndarda jáne tirshilikti qamtamasyz etý obektilerinde kúzet jasaqtary kúsheıtildi. Jergilikti atqarýshy organdarmen birlesip, ótken oqıǵalardyń saldaryn joıý boıynsha sharalar qabyldanýda.
Beınebaqylaý kameralaryn taldaý, sondaı-aq aınalasyna beı-jaı qaramaıtyn azamattardan kelip túsetin materıaldardy saraptaı otyryp, bótenniń múlkin joıýǵa ne búldirýge baılanysty búlikterge, urlaýǵa jáne tonaýǵa qatysýshylardy anyqtaý boıynsha is-sharalar júrgiziledi.
Azamattardan habarlamalar qabyldaý jáne olarǵa jedel den qoıý úshin Polısıa departamentteriniń Jedel basqarý ortalyǵy men komendatýralardyń call-ortalyqtary qyzmetkerleriniń sany artty.
Sonymen birge, buqaralyq aqparat quraldarynda jáne áleýmettik jelilerde polısıa qyzmetkerleriniń zańsyz áreketteri, onyń ishinde uıaly telefondardy tekserýge qatysty aqparattar jarıalanýda.
İİM azamattardyń uıaly telefondaryn olardyń kelisiminsiz nemese sot organdarynyń sanksıasynsyz tekserýge, sondaı-aq qaraýǵa tyıym salynǵanyn resmı túrde málimdeıdi. Osyǵan baılanysty İshki ister mınıstri eldegi quqyqtyq tártipti qamtamasyz etýdiń ózge máselelerimen qatar, qyzmetter men aýmaqtyq bólimshelerdiń basshylaryna azamattardyń konstıtýsıalyq quqyqtaryn qatań saqtaýǵa, olardy negizsiz qylmystyq jáne ákimshilik qýdalaýǵa jol bermeý týraly nusqaý berdi.
İİM Ózindik qaýipsizdik departamentine azamattardan polısıa qyzmetkerleriniń is-áreketterine qatysty kelip túsken shaǵymdardy, sonyń ishinde polısıa bólimderine jetkizilgen jáne ustalǵan adamdardyń uıaly telefondaryn negizsiz tekserýge baılanysty faktilerdi muqıat tekserý tapsyryldy.
Bizdiń azamattarymyzdan polısıa qyzmetkerleriniń zańsyz áreketteriniń barlyq faktileri boıynsha İİM ÓQD-niń táýlik boıy jumys isteıtin 1402, 8 (7172) 71-41-09 senim telefonyna, mınıstrdiń blogy, «ashyqtyq alańy» front-ofısterine habarlasýdy suraımyz.
Sondaı-aq tómendegi ózindik qaýipsizdiktiń aýmaqtyq bólimsheleri habarlasýǵa bolady:
Nur-Sultan qalalyq PD ÓQB – 8-702-127-98-18
Almaty qalalyq PD ÓQB – 8-707-927-67-69
Shymkent qalalyq PD ÓQB – 8 (7252) 21-43-23
Aqmola oblysy PD ÓQB – 8 (7162) 25-03-60
Almaty oblysy PD ÓQB – 8 (7282) 60-81-58
Aqtóbe oblysy PD ÓQB – 8 (7132) 52-16-91
Atyraý oblysy PD ÓQB – 8 (7122) 25-10-38
Shyǵys Qazaqstan oblysy PD ÓQB – 8 (7232) 23-43-32
Jambyl oblysy PD ÓQB – 8 (7262) 45-43-39, 7-701-072-70-00
Batys Qazaqstan oblysy PD ÓQB – 8 (7112) 98-45-68, 98-42-75, 98-40-44, 8-707-290-28-84
Qaraǵandy oblysy PD ÓQB – 8 (7212) 42-93-39
Qostanaı oblysy PD ÓQB – 8-707-715-44-24
Qyzylorda oblysy PD ÓQB – 8 (7242) 27-28-74, 8-747-182-51-43
Mańǵystaý oblysy PD ÓQB – 8 (7292) 47-52-69
Pavlodar oblysy PD ÓQB – 8 (7182) 32-28-22
Soltústik Qazaqstan oblysy JP EQB – 8 (7152) 61-26-89, 8-700-161-26-89
Túrkistan oblysy PD ÓQB – 8-701-121-93-35
Kóliktegi PD ÓQB – 8 (7172) 94-23-20, 8-707-294-23-20.
Árbir ótinish jeke qaralyp, azamattarǵa tolyqqandy jaýaptar beriledi.