Almatyda «Almaty Puppet Festival – 2024» Qýyrshaq teatrlarynyń II Halyqaralyq festıvali aıaqtaldy, ol Qytaı, Polsha, Chehıa, Bolgarıa, Grýzıa, Túrkıa, Ázirbaıjan, Ózbekstan, Reseı, Bashqurtstan jáne Qazaqstannyń 15 úzdik qýyrshaq ujymyn biriktirdi.
Tórt kún boıy kórermender qýyrshaq óneriniń ártúrliligi men sheberligin kórsetetin erekshe qoıylymdardy tamashalady. Festıvál saltanatty marapattaý rásimimen aıaqtaldy, onyń barysynda úzdik teatrlar men oryndaýshylar atalyp, osy mańyzdy mádenı oqıǵanyń tarıhynda jarqyn iz qaldyrdy.
Festıváldiń basty marapaty – «Úzdik spektákl» úshin bas júlde Rejıser Anton Zaısevtiń «Jomart aǵash» spektakli úshin Aqtóbe oblystyq «Alakaı» qýyrshaq teatryna berildi. Bul qoıylym qazylar alqasynyń da, kórermenderdiń de júrekterin tereń maǵynasymen jáne sheber oryndaýymen qozǵady.
Úzdik akterlik jumysy úshin «Úzdik akterlik ansámbl» syılyǵy «Alenkıı svetochek» spektakli úshin «Skarabeı» (Reseı) balalardyń Qum jáne kóleńke teatryna tabystaldy. Spektákldiń rejıseri Sergeı Cherepanov óziniń sheberligimen barlyǵyn tań qaldyrǵan úılesimdi ansámbl qura aldy.
Ankaradaǵy (Túrkıa) «Tempo» teatry rejıser Halúk Iýdje qoıǵan «Alyptyń baǵynda» qoıylymy úshin «Sheberligi men adaldyǵy úshin» syılyǵymen marapattaldy. Bul teatr dástúrge degen tereń qurmet pen sheberliktiń joǵary deńgeıin kórsetti.
«Úzdik qýyrshaq jasaýshy» nomınasıasynda Chýn Feı Chengtiń jetekshiligimen «Qytaı dástúri» qoıylymymen «Sky Bird» qýyrshaq kompanıasy (Gonkong, QHR) jeńiske jetti. Bul spektákldegi qýyrshaqtarmen ásem jumys kórermenderge Qytaıdyń baı jáne jan-jaqty mádenıetin kórsetti.
«Inovasıalyq kózqaras» úshin arnaıy syılyq rejıserler Nadejda Beztýbova men Aleksandr Verhozemskııdiń tandeminde jasalǵan «Alty sezim» eksperımenttik qoıylymy úshin Bashqurt memlekettik qýyrshaq teatryna berildi. Spektákl qýyrshaq ónerine ınovasıalyq kózqarasymen jáne batyl sheshimderimen qazylar alqasynyń nazaryn aýdardy.
Negizgi konkýrstyq baǵdarlamadan basqa, festıvál aıasynda sheberlik synyptary men shyǵarmashylyq kezdesýler ótti, olar bilim men tájirıbe almasýdyń mańyzdy platformasyna aınaldy. Quralaı Eshmuratova, Nıkoloz Sabashvılı jáne Evgenıı Ibragımov ótkizgen kezdesýler qatysýshylardy shabyttandyryp, qýyrshaq óneriniń damýyna jańa serpin berdi.
«Men bul festıvál halyqaralyq mádenı baılanystardy nyǵaıtyp, bizdiń ádemi Almaty qalasynyń oń mádenı ımıjin qalyptastyrýǵa óz úlesin qosqanyna senimdimin», - dep atap ótti Almaty qalasy mádenıet basqarmasynyń basshysy Ǵanı Maılıbaev jabylý saltanaty barysynda.
Qatysýshylar laıyqty marapattarǵa ǵana emes, sonymen qatar jańa shyǵarmashylyq jobalarǵa shabyt aldy. Festıvál taǵy da qýyrshaq óneri ártúrli mádenıetter men elderdiń adamdaryn biriktirip, olardyń aldynda jańa kókjıekter ashatynyn kórsetti.