Ulttyq qundylyqtarymyzdy dáriptep, álem jurtshylyǵyna tanytý baǵytynda Almaty qalasy Naýryzbaı aýdanyndaǵy №176 mektep-gımnazıada halyqaralyq ǵylymı-tájirıbelik semınar ótkizildi.
Semınar jumysynyń ótkizilýine tikeleı qoldaý kórsetýshi Almaty qalasy Bilim basqarmasy, Almaty qalasy Bilim basqarmasynyń «Qalalyq bilim berýdegi jańa tehnologıalardyń ǵylymı-ádistemelik ortalyǵy» men Naýryzbaı aýdany Bilim bólimi.
Halyqaralyq semınar jumysyna 550 qolóner sheberleri men kórkem eńbek pániniń ustazdary qatysýǵa ótinish bildirgen. Onyń ishinde respýblıkanyń 19 qalasynan onlaın túrde qosylyp, semınar jumysyn tamashalady. Sonymen qatar, Túrkıa Respýblıkasy, Ózbekstan Respýblıkasy jáne Qyrǵyz Respýblıkasynyń joǵary oqý oryndary oqytýshylary onlaın túrde óz baıandamalaryn usyndy.
Halyqaralyq semınar kelesi máseleler boıynsha jumys júrgizdi:
Eńbekke balý [ulttyq qolóner]. Mekteptegi eńbekke baýlý páni boıynsha oqýshylardy ulttyq kásipke baýlý, olardy eńbekqor etip tárbıeleýde mańyzdy dep esepteımiz. Ulttyq mádenı qundylyqtarǵa baýlý isi mekteptegi beıneleý óneri páninen bastalatyny belgili. Osy turǵydan beıneleý óneri pánin mektepte oqytýdyń negizgi maqsaty qorshaǵan orta ásemdigin kórý, seziný, qabyldaý qasıetterin qalyptastyrý, estetıkalyq talǵamyn, shyǵarmashylyq qabiletin jetildirý, kórkemdik qaraketterdi óz betimen oryndaýǵa úıretý bolyp tabylady.
Ulttyq mektep formasy. Mektepte oqýshy formasyna qoıylatyn basty talap – onyń ulttyq sana-sezimin oıanýyna yqpal ete bilýi. Mektep oqýshylary arasynda ulttyq naqyshtaǵy mektep formasyn engizý.
Almaty qalasynda alǵash ret uıymdastyrylǵan kórkem eńbek páni muǵalimderi arasyndaǵy halyqaralyq ǵylymı-tájirıbelik semınar óte joǵary deńgeıde ótkizildi. Semınarda talqylanǵan máseleler bolashaqta óz sheshimin tabatynyna senimdimiz.