Májilis depýtattarynyń bastamasymen ázirlengen mádenıet, bilim berý, otbasy jáne memlekettik baqylaý máseleleri jónindegi zań jobasyna ózgerister men tolyqtyrýlar ekinshi oqylymda qabyldandy.
Atalǵan zań jobasy 2025 jylǵy 26 aqpanda birinshi oqylymnan ótken bolatyn, - dep habarlaıdy Aqshamnews.kz.
Jańa zań normalaryna sáıkes, halyqaralyq ǵylymı joba baıqaýlarynda júldeli oryn alǵan mektep oqýshylaryna bir rettik aqshalaı tólemaqy beriledi. Sonymen qatar, osy oqýshylardy daıyndaǵan pedagogterge de qarjylaı ótemaqy qarastyrylǵan.
Bul bastama elimizdiń bilim salasyndaǵy daryndy balalar men olardyń tálimgerlerin yntalandyrýǵa baǵyttalǵan.
Áleýmettik jeńildikter de qarastyrylǵan
Sonymen qatar, zań jobasynda múgedek balany tárbıelep otyrǵan nemese İ toptaǵy múgedek adamdy kútetin joǵary oqý orny túlekterin memlekettik bilim berý grantyn óteýden bosatý usynylady.
Sondaı-aq, sheteldik JOO-larda rezıdentýra, magıstratýra, aspırantýra nemese doktorantýrada oqyǵan azamattarǵa grantty óteý merzimin keıinge shegerý múmkindigi beriledi. Bul – bilim alýshylardyń áleýmettik jaǵdaıyn eskere otyryp qabyldanyp otyrǵan qoldaý sharasy.
Jańa túzetýler elimizdegi bilim berý júıesin damytýǵa, daryndy jastardy qoldaýǵa jáne áleýmettik ádilettilikti arttyrýǵa baǵyttalǵan.