Básekelestikti qorǵaý jáne damytý agenttiginiń Atyraý oblysy boıynsha departamenti aımaqta joǵary bilim berý (bakalavrıat) qyzmetteri naryǵynda básekelestiktiń jaı-kúıin taldap, baǵalaý júrgizdi, dep habarlaıdy Almaty-akshamy.kz.
Osynyń nátıjesinde, Halel Dosmuhamedov atyndaǵy Atyraý ýnıversıteti aımaq naryǵynda 70%-dan astam úlesimen ústemdikke ıe ekendigi anyqtaldy. Atalmysh JOO-da «Standarttaý, metrologıa jáne sertıfıkattaý», «Esepteý tehnıkasy jáne baǵdarlamalyq qamtamasyz etý», «Aqparattyq júıeler» jáne basqa da birqatar mamandyqtar boıynsha oqý quny Atyraý ınjenerlik-gýmanıtarlyq ınstıtýty, Safı Ótebaev atyndaǵy Atyraý Munaı jáne gaz ýnıversıtetindegi uqsas mamandyqtarǵa qaraǵanda 35-60% - ǵa joǵary ekeni anyqtaldy.
Osyny qaperge alǵan óńirlik monopolıaǵa qarsy Departamenti Halel Dosmuhamedov atyndaǵy Atyraý ýnıversıtetine qatysty 2022 jyldyń 10 maýsymynda monopolıalyq joǵary baǵalardy belgilep, ustap turǵan úshin tergep-tekserý jumystaryn bastady.