Memleket basshysynyń Jarlyǵymen Gúlsara Mereıqyzy Arystanqulova Qazaqstan Respýblıkasynyń Fransýz Respýblıkasyndaǵy Tótenshe jáne Ókiletti Elshisi laýazymyna taǵaıyndaldy, dep habarlaıdy Almaty-akshamy.kz Inform.kz-ke silteme jasap.
Memleket basshysynyń Jarlyǵymen Jan Serjanuly Ǵalıev Qazaqstan Respýblıkasynyń Fransýz Respýblıkasyndaǵy Tótenshe jáne Ókiletti Elshisi laýazymynan, Qazaqstan Respýblıkasynyń Monako Knázdigindegi Tótenshe jáne Ókiletti Elshisi, IýNESKO janyndaǵy Qazaqstan Respýblıkasynyń Turaqty ókili qyzmetin qosa atqarýdan bosatyldy.
Gúlsara Mereıqyzy Arystanqulova 1971 jyly 15 qazanda Jambyl oblysynda dúnıege kelgen. Qazaq memlekettik álem tilderi ýnıversıtetin, «Bolashaq» baǵdarlamasy boıynsha Strasbýrg qalasynyń Gýmanıtarlyq ǵylymdar ýnıversıtetin jáne Qazaqstan Respýblıkasy Prezıdenti janyndaǵy Memlekettik basqarý akademıasyn bitirgen. Halyqaralyq qatynastar salasyndaǵy doktor.
Dıplomatıalyq qyzmetin 1998 jyly Qazaqstannyń Belgıadaǵy Elshiliginiń attashesi retinde bastady. QR SİM Ortalyq apparatynda TMD isteri jónindegi komıtettiń ekinshi, birinshi hatshysy, Halyqaralyq aqparat komıtetiniń basqarma basshysy laýazymdaryn atqardy.
2003-2007 jyldary Qazaqstannyń Fransıadaǵy Elshiliginde ekinshi, odan keıin birinshi hatshy bolyp jumys istedi.
2008 jyldan bastap Qazaqstan Respýblıkasy Prezıdenti Ákimshiliginiń Syrtqy saıasat ortalyǵynda konsýltant, sektor meńgerýshisi bolyp jumys istedi jáne Qazaqstannyń Fransıadaǵy Elshisi laýazymyna taǵaıyndalǵanǵa deıin QR Prezıdenti Ákimshiliginiń Syrtqy saıasat jáne halyqaralyq baılanystar bólimi meńgerýshisiniń orynbasary boldy.
Fransýz jáne aǵylshyn tilderin meńgergen. İİ synypty Tótenshe jáne Ókiletti Ýákil dıplomatıalyq dárejesine ıe.