Bıylǵy dop dodasynda bas júlde Qostanaıdyń «Tobyl» komandasyna buıyrdy
Fýtboldan Premer-lıga komandalary arasyndaǵy el birinshiligi máresine jetti, dep habarlaıdy Almaty-akshamy.kz QazAqparatqa silteme jasap.
Bıylǵy dop dodasynda bas júlde Qostanaıdyń «Tobyl» komandasyna buıyrdy.
Qostanaılyq klýb sońǵy týrda Oralda «Aqjaıyqty» 2:0 esebimen tize búktirdi. Chempıondyqtan taǵy bir úmitker - elordanyń «Astanasy» óz alańynda Túrkistannyń «Turanymen» 1:1 esebine qanaǵat bildirdi.
Al úzdik úshtikti túıindegen Almatynyń «Qaıraty» syrt alańda Taldyqorǵannyń «Jetisýymen» 0:0 esebimen teń tústi.
Tórtinshi oryn úshin talasta Petropavldyń «Qyzyljary» Shymkenttiń «Ordabasy» klýbyn 3:2 esebimen súrindirdi. Nátıjesinde tórtinshi oryn petropavldyq komandaǵa buıyrdy.
Sondaı-aq búgin syrt alańda Qyzylordanyń «Qaısary» «Tarazdy» 2:1, Aqtaýdyń «Kaspıi» «Aqtóbeni» 5:1 esebimen tize búktirdi.
Al Qaarǵandyda «Shahter» «Atyraýdy» 3:1 esebimen jeńdi. Endi Qazaqstan kýbogy jartylaı fınal oıyndary ótedi.
Jarystyń atalǵan satysynda «Astana» men «Qaırat», «Tobyl» men «Shahter» kezdesedi.
Komandalar 1/2 fınal oıyndaryn 6 jáne 20 qarasha kúnderi ótkizedi.
Fınal 28 qarashaǵa belgilengen.