Naýryz aıynda ótetin bul kezdesý Golovkınniń mansabyndaǵy sońǵy jekpe-jek bolýy múmkin.
WBA Super, IBF jáne IBO nusqalary boıynsha orta salmaqtaǵy álem chempıony qazaqstandyq Gennadıı Golovkın kelesi jekpe-jegin Qazaqstanda ótkizýi múmkin, dep habarlaıdy Almaty-akshamy.kz Elorda.info saıtyna silteme jasap.
«WBA Super, IBF jáne IBO nusqalary boıynsha orta salmaqtaǵy álem chempıony qazaqstandyq Gennadıı Golovkın brazılıalyq Eskıva Falkaomen jekpe-jek ótkizedi. Bul týraly brazılıalyq jýrnalıs Ýılson Baldını habarlady. «GGG Falkao Eskıvti qabyldaıdy. Jekpe-jek Qazaqstanda ótedi. Álem chempıonynyń komandasy DAZN Boxing jáne DAZN Brasil kompanıalarymen kelissózder júrgizýde. Jekpe-jek naýryz aıynda ótedi», – dep jazdy tilshi óz tvıtterinde.
Eskıva Falkao WBA jáne IBF tujyrymy boıynsha mindetti úmitker bolyp sanalady. Sports.kz portalynyń habarlaýynsha, bul Golovkınniń mansabyndaǵy sońǵy jekpe-jek bolýy múmkin. Golovkın-Falkao jekpe-jeginiń jeńimpazy orta salmaqtaǵy WBA chempıony, kýbalyq Erıslandı Laramen kezdesedi dep kútilýde.