Demalys kúnderi velosport áýesqoılary men ardagerleri dástúrli Giro d’Almaty-2025 shoselik jarysyna jınaldy, dep habarlaıdy aqshamnews.kz
İs-sharany Almaty qalasy jattyqtyrýshylar qaýymdastyǵy uıymdastyrǵan.
İs-sharany Almaty qalasy jattyqtyrýshylar qaýymdastyǵy uıymdastyrǵan.
«Almatylyqtardan bólek, jarysqa Astana, Kókshetaý jáne elimizdiń basqa da qalalarynan kelgen sportshylar qatysty. Búkil marshrýt sport álemi men tabıǵat aıasyndaǵy umytylmas saıahatqa aınaldy. Árbir qatysýshy adrenalın men shabyt sezindi», – dedi Almaty qalasy sport federasıasynyń prezıdenti Bahtıar Mamyrov.Jarys eki kezeńnen turdy. Birinshi kúni, senbide qatysýshylar Medeý aýdanyndaǵy Iadrolyq fızıka ınstıtýtynan bastap bıik taýdaǵy «Medeý» muz aıdynynda márege jetti. Erler 63 shaqyrym, áıelder 35 shaqyrym qashyqtyqty eńserdi.
Búgingi, ekinshi kúni jarys Royal Tulip Almaty qonaq úıinen bastalyp, máresi taǵy da «Medeý» sport kesheninde ótti. Taýly kezeńniń uzyndyǵy 9 shaqyrym boldy.
Jeńimpazdar eki kúndik nátıjeler boıynsha anyqtaldy. Jarysqa 18 jastan asqan sportshylar qatysty.
«Jeńiske degen jigeri úshin» nomınasıasymen Jeńiskúl Ospanova marapattaldy.
Jas ereksheligi boıynsha jeńimpazdar:• 18-29 jas: Islam Osmanov.
• 30-39 jas: Arsenıı Nıkıtın jáne Anastasıa Evtýshenko.
• 40-49 jas: Vadım Ejakov jáne Ekaterına Shatnaıa.
• 50-59 jas: Talǵat Ámirbekov jáne Ásel Sákenova.
• 60+: Alekseı Abramenko.
Áıelder arasynda keıbir jas sanattarynda qatysýshylar bolmady.Giro d’Almaty-2025 jarysynyń absolútti chempıondary – Anastasıa Volchanskaıa men Evgenıı Sladkov.
Almatylyq Anastasıa Evtýshenko jetistik syryn aıtty:
– Men ekinshi jyl qatarynan kásibı jattyqtyrýshymen birge Sundaybike áýesqoılar komandasynda jattyǵamyn. Negizgi ereje – kúshti durys bólý. Bastapqyda tym jyldam emes, birtindep qarqyn qosý kerek. Ár jarysta ýaqytymdy jaqsartýǵa tyrysamyn, – dedi Anastasıa Evtýshenko.
Óz jas sanatynyń jeńimpazy, halyqaralyq dárejedegi sport sheberi Alekseı Abramenko 67 jasta bolsa da, salaýatty ómir saltyn belsendi nasıhattap júr.
– Adamnyń jasy joǵary deńgeıde sportpen aınalysýǵa kedergi emes. Barshańyzdy belsendi ómir saltyn ustanýǵa shaqyramyn. Qozǵalys – bul ómir, – dedi ol.
Kórermenderdiń erekshe nazaryna 79 jastaǵy qatysýshy Jeńisgúl Ospanova ıe boldy. Ol óz úlgisimen rýhtyń myqtylyǵyn jáne jeńiske degen jigerin kórsetti. Tabandylyǵy men shabyt bergeni úshin oǵan arnaıy syılyq tabys etildi.
Qatysýshylardyń aıtýynsha, jaqsy uıymdastyrylǵan Giro d’Almaty-2025 velojarysy joǵary deńgeıde ótti.