6 aı boıy memleket tarapynan retteledi.
Elimizdiń aýmaǵyndaǵy avtogaz quıý stansıalarynda avtokólikke janarmaı quıý úshin suıytylǵan munaı gazynyń bólshek saýdadaǵy baǵasy taǵy 6 aı boıy memleket tarapynan retteledi. Mundaı rette QR Básekelestikti qorǵaý jáne damytý agenttigi tóraǵasynyń buıryǵynda kózdelgen, dep habarlaıdy Almaty-akshamy.kz QazAqparatqa silteme jasap.
Aıta keteıik, Memleket basshysynyń 2022 jylǵy 5 qańtardaǵy tapsyrmasy boıynsha 5 shildede avtogaz quıý stansıalarynan suıytylǵan munaı gazyn bólshek saýdada ótkizýge shekti baǵalar belgilengen edi. Gaz baǵasy óńirge baılanysty lıtrine 70 teńgege deıin boldy. Atalǵan buıryqtyń qoldanylý merzimi 2023 jylǵy 1 qantarda aıaqtalady.
Jalpy, suıytylǵan munaı gazy naryǵynyń bólshek segmentinde erkin baǵa belgileý jaǵdaıynda baǵanyń kúrt ósý jáne qoǵamdaǵy áleýmettik shıelenistiń paıda bolý qaýpi bar. Osyǵan oraı keshe kúshine engen buıryqqa sáıkes, 2023 jylǵy 30 maýsymǵa deıin Qazaqstan Respýblıkasynyń aýmaǵyndaǵy avtogaz quıý stansıalarynda avtokólikke maı quıý úshin suıytylǵan munaı gazyn bólshek saýdada ótkizýge ýaqytsha memlekettik baǵalyq retteý uzartyldy.