Oqý-aǵartý mınıstrliginiń janyndaǵy Máslıhat depýtattarynyń otyrysy ótti.
Barlyq deńgeıdegi máslıhattardan 190-ǵa jýyq depýtat qatysatyn bul konsýltatıvtik-keńesshi organ bilim berý júıesin damytý baǵytyndaǵy máselelerdi talqylaıtyn asa tıimdi alańǵa aınaldy, dep habarlaıdy aqshamnews.kz.
Ótken jyly qurylǵan keńes keri baılanys ornatý men jan-jaqty zerdelengen sheshimder qabyldaýdyń tıimdi tetigi retinde mańyzdy ról atqaryp keledi.
Óńirlerdegi halyq ókilderimen ornatylǵan turaqty dıalogtyń arqasynda mınıstrlik ózekti syn-qaterlerge jedel den qoıyp, naqty ózgerister men jańashyldyqtar engizýde.
Kezdesý barysynda mınıstrliktiń 2024 jyly atqarǵan jumys qorytyndysy tanystyryldy. Balalardyń qaýipsizdigin qamtamasyz etý, bilim berý ınfraqurylymdaryn jańǵyrtý, tehnıkalyq jáne kásiptik bilim berýdi transformasıalaý sıaqty baǵyttar boıynsha qol jetkizilgen naqty nátıjeler men júıeli sharalar qaraldy.
Vedomstvo basshysy depýtattyq korpýspen ózara yntymaqtastyq bilim berý salasynda turaqty damýdy qamtamasyz etetinin atap ótti.
«Biz óńirlerde jıi kezdesemiz, jergilikti jerlerde máselelerdi birlesip talqylaımyz, munyń barlyǵy bilim berý sapasyn júıeli túrde arttyrýǵa baǵyttalǵan praktıkalyq qadam bolyp tabylady. Máslıhattar - memlekettik saıasatty iske asyrýdaǵy bizdiń negizgi seriktesimiz. Birlesken jumys problemalardy anyqtap qana qoımaı, olardy sheshýge múmkindik beredi. Bizdiń ortaq mindetimiz - árbir balaǵa óz áleýetin asha alatyn teń ári qolaıly jaǵdaılar jasaý. Bul — biz júıeli túrde júzege asyryp kele jatqan negizgi ulttyq basymdyq», - dedi Ǵanı Beısembaev.
Depýtattar jergilikti jerlerdegi keıbir ózekti máselelerge qatysty suraqtaryn qoıdy. Olar ashyqtyq, syńdarly dıalog jáne naqty nátıjege negizdelgen júıeli jumys úshin rızashylyqtaryn bildirdi.
Esterińizge sala keteıik, buǵan deıin mınıstr birqatar óńirlerde depýtattarmen kezdesýler ótkizgen bolatyn. Olardyń qorytyndysy boıynsha mınıstrlik pen óńir halqy arasyndaǵy kópir rólin atqaratyn máslıhattar depýtattary keńesin qurý týraly sheshim qabyldandy.