Senat depýtattary onyń kandıdatýrasyn qoldady.
Prezıdent Qasym-Jomart Toqaev Ulttyq bank tóraǵasy qyzmetine «Qazatomónerkásip» ulttyq atom kompanıasynyń eks-basqarma tóraǵasy Ǵalymjan Pirmatovty usyndy, oǵan Senat depýtattary kelisim berdi. Bul týraly búgin joǵarǵy palata otyrysynda belgili boldy, dep habarlady Almaty-akshamy.kz Inbusiness.kz cilteme jasap.
Jıynda Prezıdent Ákimshiligi basshysynyń birinshi orynbasary Tımýr Súleımenov Pirmatovtyń dál qazir «omıkron» shtamymen syrqattanyp jatqanyn, sondyqtan ózi kelip qatysa almaǵanyn málimdedi.
«Saýyqqannan keıin, depýtattar aldyna kelip, Ulttyq bankti damytý týraly josparyn tanystyrýdy tapsyramyz», - dedi ol.
Ǵalymjan Pirmatov 1972 jyly dúnıege kelgen, Qazaqstan Respýblıkasynyń azamaty.
Ol Novosıbırsk memlekettik ýnıversıtetiniń, Qazaqstan ekonomıka jáne boljaý menedjmenti ınstıtýtynyń, Atkinson Graduate School of Management, Willamette University jáne INSEAD túlegi. Ár jyldary «Altyn-Tas» BK qarjy dırektory, AIG Silk Road Capital Management kompanıasynyń ınvestısıalar jónindegi dırektory qyzmetin atqarǵan.
2005-2007 jyldary Ǵalymjan Pirmatov «Ulttyq Bank» AQ Investısıalyq bankıng departamentiniń dırektory bolǵan.
2007-2009 jyldary Qazaqstan Respýblıkasynyń ekonomıka jáne búdjettik josparlaý vıse-mınıstri.
2009-2011 jyldary «Qazatomónerkásip» UAK» AQ ekonomıka jáne qarjy jónindegi vıse-prezıdenti, jáne 2011-2015 jyldary Cameco Kazakhstan kompanıasynyń prezıdenti qyzmetterin atqardy.
2015-2017 jyldary Ulttyq Banki tóraǵasynyń orynbasary bolǵan. 2017 jyldyń tamyz aıynan-2021 jyldyń tamyzyna deıin «Qazatomónerkásip» UAK» AQ Basqarma tóraǵasy bolǵan.