Almaty qalasy ekologıa jáne qorshaǵan orta basqarmasy basshysynyń orynbasary Ulan Abdýldaev Gagarın dańǵylyndaǵy aǵashtardy kesýge qatysty túsinik berdi, dep habarlaıdy Almaty-akshamy.kz.
«Almaty qalasynyń ekologıa jáne qorshaǵan orta basqarmasy Gagarın dańǵyly, 80 mekenjaıy boıynsha aǵashtardy kesýge ruqsat bergen joq.
Osy fakt boıynsha Almaty qalasy PD JPQ qyzmetkerlerimen birlesip orynǵa barý uıymdastyryldy. Tekserý barysynda terek túriniń 3 dana kólemindegi aǵashtardyń tájin kesý faktisi anyqtaldy»,-dedi Abdýldaev.
Atalǵan fakti boıynsha QR ÁQBtK-niń 386-baby boıynsha ákimshilik hattama toltyrylyp, 150 dana japyraqty aǵashtardy ótemdik otyrǵyzý boıynsha kepildik mindetteme alynady.
Sonymen qatar ol aǵashtardy kesýge tapsyrys berýshi: joǵaryda kórsetilgen mekenjaıdaǵy «Medısınalyq ortalyqtyń qurylysyn» júzege asyrýshy azamat Bekmýsaev B.K. ekenin jetkizdi.