Malaızıada estý qabiletinen aırylǵan 21 jasqa deıingi sportshylar arasynda fýtzaldan álem chempıonaty ótip jatyr. Onda Qazaqstan quramasy sátti óner kórsetýde, dep habarlaıdy Almaty-akshamy.kz Inform.kz-ke silteme jasap.
Qazaqstan komandasy ózbekstandyq qarsylastaryn 9:4 esebimen aıqyn basymdyqpen jeńdi.
Oıyn basynda qazaqstandyqtardyń qorǵanystaǵy qateligin utymdy qoldanǵan ózbek sportshylary esep ashyp, 0:2 nátıjesimen alǵa shyqty.
Degenmen el fýtbolshylary tez jınaqtalyp, birneshe mınýtta 4 gol soǵyp, esepti óz enshilerine burdy.
Endi Qazaqstan quramasy «A» tobynyń 1/4 fınalynda kelesi oıyndy 11 jeltoqsanda Ázirbaıjan komandasyna qarsy ótkizedi. Jartylaı fınalǵa ótken jaǵdaıda sportshylarymyz Malaızıa - Taıland machynyń jeńimpazymen kezdesetin bolady.
Buǵan deıin habarlaǵanymyzdaı, qazaqstandyqtar álem chempıonatyndaǵy alǵashqy kezdesýinde Qytaı quramasyn 22:0 esebimen oısyrata jeńgen edi.