Kezdesýdiń birinshi kezeńinde qos quramanyń oıyn deńgeıi qatarlas boldy
Fýtboldan UEFA Ulttar lıgasy altynshy týrynda Qazaqstan quramasy Ázerbaıjan quramasymen synǵa tústi, dep habarlaıdy Almaty-akshamy.kz QazAqparatqa silteme jasap.
Aıta ketsek, S lıgasy úshinshi tobynda synǵa túsken qazaqstandyq fýtbolshylar bir týr buryn V dıvızıonyna joldamaǵa qol jetkizdi. Oǵan qosa 2024 jylǵy Eýropa chempıonaty fınaldyq satysyna beriletin joldamany sarapqa salýǵa múmkindik aldy.
Soǵan qaramastan ulttyq qurama bapkeri Magomed Adıev oıynǵa negizinen tájirıeli fýtbolshylardy qosty. Olardyń qataryna budan burynǵy kezdesýlerge qatyspaǵan oıynshylar qosyldy.
Kezdesýdiń birinshi kezeńinde qos quramanyń oıyn deńgeıi qatarlas boldy. Oıynnyń 35-mınýtynda qazaqstandyq Nurálı Álip dóreki qımyly úshin qyzyl qaǵaz alyp, alańnan qýyldy. Degenmen odan keıin de alań ıeleri bizdiń qaqpadan sańylaý taba alǵan joq.
Ekinshi kezeńniń 66-mınýtynda Aleksandr Marochkın óz qaqpasyna gol soǵyp aldy. Al 74-mınýtta ázerbaıjandyq Fılıp Ozobıch esepti ústemelese, Anatolıı Nýrıev 90-mınýtta qorytyndy esepti belgiledi.
Osylaısha Qazaqstan quramasy Ázerbaıjanǵa 0:3 esebimen jol berdi.
Aıta ketsek, eki qurama buǵan deıin 7 márte sheberlik baıqasty. Onyń tórteýinde qazaqstandyq fýtbolshylar jeńiske jetse, ekeýinde kezdesý teń aıaqtalyp, bireýinde ázerbaıjandyq qurama basym tústi.
Sondaı -aq, atalǵan topta búgin Slovakıa men Belarýs quramalary 1:1 esebine qanaǵat bildirdi.
Eske salsaq, budan buryn Qazaqstan óz alańynda Belarýsti jeńip ketti.