Quqyqbuzýshylyq Talǵar aýdanynyń polısıa basqarmasynda tirkeldi
Talǵar aýdany Erkin aýylynda KamAZ júrgizýshisi ıtti júk kóligine baılap, kóshe ortasynda súıredi. Polısıa KamAZ júrgizýshisiniń jeke basyn anyqtady, dep habarlaıdy Almaty-akshamy.kz QazAqparatqa silteme jasap.
KamAZ artynda jipke baılanyp, súıretilip bara jatqan ıttiń vıdeosy jelige shyqty.
Almaty oblysynyń polısıa departamenti bastyǵynyń orynbasary Rýstam Abdrahmanov quqyqbuzýshylyq Talǵar aýdanynyń polısıa basqarmasynda tirkelgenin málimdedi.
«Tekserý jumystary atalǵan bólimsheniń qyzmetkerlerine tapsyryldy. Quqyq buzýshyny mindetti túrde anyqtap, shara qoldanamyz», - dedi Rýstam Ábdirahmanov.
Keıinirek ol kólik júrgizýshiniń kim ekeni anyqtalǵanyn málim etti. Ol 42 jastaǵy S. esimdi azamat bolyp shyqty. Aldaǵy ýaqytta tekserý jumystarynyń nátıjesi týraly qosymsha habarlanady.