Saılaýshylar tizimine 48,7 mln fransýz tirkelgen
Fransýzdar ekinshi týrǵa ótken eki úmitker - qazirgi prezıdent Emmanýel Makron men Parlament depýtaty Marın Le Pendi tańdaıdy, dep habarlaıdy Almaty-akshamy.kz Zakon.kz-ke silteme jasap.
Jeksenbide Fransıada prezıdenttik saılaýdyń ekinshi týrynda daýys berý bastaldy. Eldiń barlyq aýmaǵynda Parıj ýaqyty boıynsha saǵat 08:00-de (Nur-Sultan ýaqyty boıynsha 12:00-de) 70 myń saılaý ýchaskesi ashyldy.
Saılaýshylar tizimine 48,7 mln fransýz tirkelgen. Fransıanyń kóptegen komýnalarynda jergilikti ýaqyt boıynsha 19:00-ge deıin (Nur-Sultan ýaqytymen 23:00-ge deıin) turǵyndar daýys bere alady. Parıj, Lıll, Bordo, Marsel, Týlýza sıaqty iri qalalarda daýys berý bir saǵat kesh aıaqtalady – jergilikti ýaqyt boıynsha 20:00-de (Nur-Sultan ýaqyty boıynsha 00:00).
Fransýzdar ekinshi týrǵa ótken eki úmitkerlerge daýys beredi.
Onyń biri - 2017 jyly saılanǵan Fransıa prezıdenti Emmanýel Makron ózi qurǵan "Respýblıka sherýi" qozǵalysynyń qoldaýymen ekinshi merzimge saılaýǵa usynylyp otyr. Onyń qarsylasy, Parlament depýtaty Marın Le Pendi "Ulttyq birlestik" partıasy usynǵan.
Qarsylastar ekinshi týrda ekinshi ret dodaǵa túsedi: 2017 jyly Makron saılaý qorytyndysy boıynsha 66,1% daýys alǵan edi, ol kezde Le Pen 33,9% daýyspen ekinshi bolǵan.
Sarapshylar saılaýshylardyń belsendilik deńgeıi sońǵy onjyldyqtardaǵy eń tómeni bolýy múmkin dep qorqady. Óıtkeni birinshi týrda 10 sáýirde Makron 27,84%, Le Pen 23,15% daýys qana aldy.
Daýys berýdiń alǵashqy aldyn-ala nátıjeleri búkil el boıynsha saılaý ýchaskeleri jabylǵannan keıin ǵana jarıa etiledi.