BQO Tótenshe jaǵdaılar departamentiniń resmı ókili Nurjan Tóleýish aımaqtaǵy ahýaldy baıandady.
Mamannyń aıtýynsha, óńirde sý tasqyny boıynsha jaǵdaı kúrdeli, dep habarlaıdy Almaty-akshamy.kz.
Maman «Qazgıdromettiń» málimetine súıenip, qazirgi sý deńgeıi 8 metr 62 santımetrge jetkenin málimdedi. Jaıyqtaǵy shekti qaýip deńgeıi – 8 metr 50 santımetr. Qazir sý mólsheri qaýipti deńgeıden 12 santımetrge asyp ketken.
Nurjan Tóleýish aımaqtaǵy kúrdeli kezeń aldaǵy 25-26 sáýir kúnderi ýshyǵýy múmkin ekenin aıtty.
«Bizdiń oblys boıynsha qaýiptiń beti áli seıilmedi. Sý deńgeıi taǵy kóteriledi degen boljam bar. Oral qalasynyń tusynda Jaıyq deńgeıi 25-26 sáýirde 9,5 metrge deıin jetýi múmkin», dedi oblystyq Tótenshe jaǵdaılar departamentiniń resmı ókili.