Astanadaǵy Tótenshe jaǵdaılar mınıstrligi qyzmetkerleri lıftte qamalyp qalǵan 2011 jyly týǵan jasóspirimdi qutqaryp qaldy, dep habarlaıdy Aqshamnews.kz tilshisi.
Oqıǵa Baraev kóshesindegi jaıaý júrginshiler kópirinde bolǵan. Jolaýshylar lıfti toqtap qalyp, ishinde jasóspirim buǵattalyp qalǵan. Onyń daýysyn estigen turǵyn 112 nómirine habarlasqan. Oqıǵa ornyna jetken qutqarýshylar arnaıy kilt arqyly lıft esigin ashyp, balany syrtqa shyǵardy.
TJM lıftte turyp qalǵanda sabyr saqtaýǵa, dıspechermen baılanysýǵa, barlyq túımeni qatar baspaýǵa, esikti óz betimen ashýǵa tyryspaýǵa jáne syrtpen baılanysýdyń barlyq múmkin tásilin qoldanýǵa keńes beredi.