Eýropalyq Odaq (EO) Qazaqstan azamattary úshin Shengen vızasyn alý rásimin jeńildetýdi josparlap otyr. Bul týraly EO-nyń Qazaqstandaǵy elshisi Aleshka Sımkıch málimdedi, dep habarlaıdy aqshamnews.kz.
EO men Qazaqstan bıliginiń ókilderi vızalyq rejımdi jeńildetý týraly kelissózderdi bastaýǵa daıyn ekendikterin rastady. Kelissózder qazaqstandyqtarǵa Shengen vızasyn alý prosesin jeńildetýge baǵyttalǵan.
Aleshka Sımkıchtiń aıtýynsha, bul proses birshama ýaqytty alatyndyǵyn atap ótti: "Biz vıza rejımin jeńildetý týraly kelisim boıynsha kóp jumys istep jatyrmyz. Bul degenimiz, qazaqstandyqtar áli de Eýropaǵa vıza alýy qajet bolady, biraq ony rásimdeý prosesi jeńildetiledi. Bul biraz ýaqyt alady, biraq bıyl osy kelisim boıynsha kelissózderdi bastaýdy josparlap otyrmyz. Eger solaı bolsa, bolashaqta vıza alý ońaıyraq bolady."
Bul bastama Qazaqstan men Eýropa arasyndaǵy iskerlik, bilim berý jáne mádenı baılanystardy nyǵaıtýǵa yqpal etedi dep kútilýde. Shengen vızasyn alý rásiminiń jeńildeýi Qazaqstandyqtardyń Eýropa elderine saparlaryn jeńildetip, yntymaqtastyqty arttyrýǵa kómektesedi.