Aqtóbe oblysynyń qylmystyq ister jónindegi mamandandyrylǵan aýdanaralyq sotynyń úkimimen óńirdiń eki turǵyny Aqtóbe aýmaǵynda kisi óltirý jáne esirtki zerthanasyn uıymdastyrý derekteri boıynsha árqaısysy 19 jylǵa bas bostandyǵynan aıyrý jazasyna kesildi, dep habarlaıdy aqshamnews.kz.
Olar psıhotroptyq zattardy zańsyz satqany úshin qylmystyq jaýapkershilikke tartylmaý maqsatynda óńirdiń turǵynyn (ózderi men kýány baılanystyrýshy) óltirgen.
Prokýratýranyń úılestirýimen qylmystyq is tergep-tekserilip, qysqa merzimde sotqa joldandy. Sottalǵandardyń kinálary sotta jan-jaqty jáne tolyq zerdelengen dálelder jıyntyǵymen dáleldendi. Sot úkimi zańdy kúshine engen joq.