Qylmystyq is úsh bap boıynsha tergelip jatyr
Almaty oblysynyń Esik qalasyndaǵy atysqa qatysy bar taǵy 2 kúdikti ustaldy dep habarlady Almaty-akshamy.kz.
«Barlyǵy úsh kúdikti ustalǵan. Olar 1999 jáne 1992 jyly týǵan azamattar. Úsheýi de qamaýǵa alyndy», – delingen Almaty oblystyq Polısıa departamenti baspasóz qyzmetiniń málimetinde.
Qylmystyq is úsh bap boıynsha (Adam óltirý, adam óltirýge oqtalý jáne qarýdy qoldaný arqyly buzaqylyq jasaý) tergelip jatyr.
Eske salaıyq, shildeniń 22-inen 23-ine qaraǵan túni Eńbekshiqazaq aýdannyń Esik qalasynda atys bolyp, eki adam aýrýhanaǵa tústi. Keıin onyń biri kóz jumdy.
25 shilde kúni qylmysqa qatysy bar degen kúdikpen 35 jastaǵy er adam ustalǵan bolatyn.