Erekshe bilimdi qajet etetin balalarǵa-erekshe qadam

KMQK №150 bóbekjaı-balabaqshasynda qalalyq semınar ótti.
İs-sharaǵa Mahanbetova Agıma Abılovna, «Órleý» BAUO AQF Almaty qalasy boıynsha kásibı damý ınstıtýtynyń «Pedagogıka jáne pándik ádister» kafedrasynyń aǵa oqytýshysy, Alataý aýdany bilim bóliminiń bas mamany Zeıtova Mánshúk Sapınovna, Almaty qalasy Alataý aýdany KMQK № 150 bóbekjaı-balabaqshasynyń meńgerýshisi Abdıjapparova Saltanat Nuǵmanovna, Almaty qalasy Alataý aýdanyndaǵy №1 bóbekjaı balabaqshasynyń meńgerýshisi Qarabalaeva Qymat Álimbaıqyzy jáne balabaqsha tárbıelenýshileri men meńgerýshileri jáne ata-analar qatysty.
Balabaqsha meńgerýshisi Abdıjapparova Saltanat Nuǵmanovnanyń aıtýynsha, semınardy ótkizýdegi basty maqsat — ǵylymı-ádistemelik yntymaqtastyqty damytý, arnaıy mektepke deıingi uıymnyń oń tájirıbesin taratý.
   
Balabaqshada erekshe bilim berýdi qajet etetin birneshe bala bar. Bilikti tárbıeshiler, defektolog, logoped, pedogog mamandar osy balalardyń kópshilik ortaǵa beıimdelýin, durys qalyptasýyn, qatarynan qalmaı bilim alýyn qadaǵalap aıanbaı eńbek etip keledi. Inklúzıvti bilim berý ár balaǵa qajet, sondyqtan tárbıeshiler  «Balbóbek» tobynyń tárbıeshi Kabdykamıtova Ásel  MAD «Aqbota» tobynyń tárbıeshisi Dýlatbaeva Roza  sýret salý, qum terapıasy, alaqan jattyǵýy, art terapıasy, tastarmen jáne ermeksazben jumys isteý ádisterin qoldana otyryp, jattyǵýlardy túrlendire otyryp jasatyp kórsetti. Saltanat Kazakbaevanyń ádis-tásilderi kópshilikti tántti etti. Sonymen qatar mýzyka páni jetekshisi Naýryzbaeva Astana Seıtalıevna kópshilikti oıynǵa shaqyryp saýsaq qol motorıkasyn damytýǵa baǵyttalǵan qolǵap oıyny qyzyqty ótti.
   
Semınar barysynda qonaqtarǵa balabaqsha ishi kórsetilip, ekskýrsıa uıymdastyryldy. Munda túrli bólmelerdi kórip tańqalasyń. Art terapıa, art terapıa trız tehnologıasy óte qyzyq. Meńgerýshi Saltanat Nuǵmanqyzynyń ıdeıasynan týyndaǵan falgamen qaptalyp, túrli jaryq shamdarmen bezendirilgen tynyshtandyratyn bólme kez-kelgen jannyń qyzyǵýshylyǵyn týdyratyny sózsiz. Kishkentaı bala da, eresek adam da osy bólmede tynyǵyp, demalyp ári massaj ala alatyn múmkindik bar. Ata- analar men jınalǵan qonaqtarǵa da osy bólme qyzyq boldy. Bári bólmeniń jabdyqtalýymen etene tanysyp, qyzyqtyrǵan suraqtaryn qoıyp, jaýabyn aldy.
   
Odan keıin psıholog maman Kazakbaeva Saltanat Kaıratovna men defektolog Satkynbaeva Gýlım Daýletkeldıevnanyń jetekshiligimen apelsın arshý sıaqty usaq qol motorıkasyn damytý maqsatyndaǵy balamen jumys kórsetildi. Bul jattyǵý úshin ár túrli jemis tańdalady eken, bul joly apelsın tańdalǵan eken. Balalar, jemistiń qabyǵyn arshylyp, túsin, dámin, jumsaqtyǵyn, ereksheligin sıpattap berdi. Apelsınniń sýretin salyp ony túımelermen kómkerip ásemdedi. Balabaqshada túımemen jumys jaqsy jolǵa qoıylǵan. Jumystarynyń basym bóligin túımeni qoldanyp jasaǵan. Túımeden jasalǵan kóptegen kórkem dúnıeler balabaqsha buryshtarynan oryn alyp tur.
    
Qustar buryshyn elemeı ótý múmkin emes, shyryldaǵan qustardyń únin estý bir ǵajap áserge bóleıdi. QR kodty qoldanyp tańdaǵan qus týraly maǵlumat alýǵa bolady. Kez kelgen adam osy tásilmen qustar álemine saıahat jasaı alady. Bilimdi de sheber tárbıeshiler men pedagogtar jınalǵan ujymnyń semınary ónerli balalardyń ásem ánimen jalǵasty. Almaty qalasy, Alataý aýdany KMQK «№150 bóbekjaı-balabaqshasy» «Balbóbek» tobynyń tárbıeshi: Kabdykamıtova Asel Bokenaevna,
MAD «Aqbota» tobynyń tárbıeshisi: Dýlatbaeva Roza Kenesovna osy tárbıeshilerdiń eńbekteri orasan zor. Artynan suraq-jaýap, keri baılanyspen órbidi.