Halyqty 18 jastan bastap skrınıngtik zertteýlermen qamtý josparlanǵan.
Bul týraly Ortalyq komýnkıasıalar qyzmetinde ótken brıfıńte QR DSM Medısınalyq kómekti uıymdastyrý departamenti dırektorynyń orynbasary Gúlnar Sársenbaeva málimdedi, dep habarlaıdy Almaty-akshamy.kz
Onyń aıtýynsha, búginde kólik medısınasy shalǵaı aýyldardyń turǵyndaryna kómek kórsetýge múmkindik beredi. 149 jyljymaly medısınalyq keshen naýqastarǵa baradyjáne halyqqa skrınıngtik zertteýler, beıindi mamandardy konsýltasıalyq qabyldaý, zerthanalyq jáne fýnksıonaldyq zertteýler, onyń ishinde MSAK-ta dınamıkalyq baqylaýdaǵy sozylmaly aýrýlary bar naýqastardy, halyqty vaksınasıalaýdy júrgizedi.
«100 kún – 100 suraq» jobasy aıasynda Densaýlyq saqtaý mınıstrligi arnaıy mamandarǵa jazylý máselelerimen baılanysty azamattardan kóptegen ótinishter aldy. Halyqty mamandardyń qabyldaýyna jazý tártibin jeńildetý úshin QR Densaýlyq saqtaý mınıstriniń 27 sáýirdegi buıryǵymen belgili bir jaǵdaılarda ýchaskelik dárigerdiń joldamasynsyz ambýlatorıalyq jaǵdaıda mamandardyń qabyldaý tártibi anyqtaldy. Bul shuǵyl jaǵdaılarda jáne jaraqattarda, onyń ishinde oftalmologıalyq, otorınolarıngologıalyq jáne basqa da jaraqattarda; tirkelgen jeri boıynsha akýsher-gınekologqa jáne psıhologqa shuǵyl jáne josparly stomatologıalyq kómek kórsetý; onkologıalyq jáne gematologıalyq beıindegi, dınamıkalyq baqylaý aýrýynyń beıini boıynsha aýrýlarǵa kúdikte júzege asyrylady. Sondaı-aq, bastapqy onkologıalyq pasıent marshrýty bekitildi, onda onkologıalyq aýrýǵa kúdik keltirilgen pasıentter "jasyl dáliz" boıynsha, ıaǵnı jalpy kezektilik pen shekteýlerden tys, 18 jumys kúni ishinde ambýlatorıalyq-emhanalyq deńgeıde konsýltasıa alady jáne tekseriledi», – dedi spıker.
Medısınalyq-sanıtarıalyq alǵashqy kómek deńgeıinde TMKKK paketinde aýrýlardyń aldyn alý jáne erte anyqtaý maqsatynda halyqty profılaktıkalyq qarap-tekserýdi keńeıtý máselesi pysyqtalýda.
«Bıyl pılottyq rejımde aýyl deńgeıinde qamtylatyn bolady. 2023-2025 jyldarǵa arnalǵan qosymsha qarjylaı qoldaý tapqan jaǵdaıda tájirıbeni eldiń barlyq aýmaǵynda taratý kózdelgen. Alǵash ret jastardy 18-den bastap skrınıngtik zertteýlermen qamtý josparlanǵan», – dedi Gúlnar Sársenbaeva.